21/05/2019 11:03 GMT+7 Email Print Like 0

អ្នកប្រាជ្ញរុស្ស៊ីវាយតម្លៃខ្ពស់ចំពោះដំណើរទស្សនកិច្ចនៅរុស្ស៊ីរបស់នាយករដ្ឋមន្រ្តីវៀតណាមលោក Nguyen Xuan Phuc

​ចាប់​ពីថ្ងៃទី២០ ដល់ថ្ងៃទី២៣ ខែឧសភា ឆ្នាំ​២០១៩ នាយករដ្ឋ មន្រ្តីវៀតណាមលោក Nguyen Xuan Phuc បាន​អញ្ជើញ​ទៅ​បំពេញទស្សនកិច្ចជាផ្លូវការនៅសហព័ន្ធ រុស្ស៊ីតាមការអញ្ជើញរបស់នាយករដ្ឋមន្រ្តីរុស្ស៊ីលោក Dmitry Medvedev។ 
 
ក្នុង ​ឱកាស​នេះ អ្នកប្រាជ្ញ Evgeny Kobelev នៃមជ្ឈមណ្ឌលស្រាវជ្រាវវៀតណាមនិង អាស៊ាន ចំណុះសភា​បណ្ឌិត​វិទ្យាសាស្ត្រ​រុស្ស៊ី ​បានវាយតម្លៃខ្ពស់ចំពោះអត្ថន័យ នៃដំណើរ​ទស្សន​កិច្ច​លើក​នេះ​ក៏ដូច​ជា​ទំនាក់​ទំនង​ភាព​ជាដៃ​គូយុទ្ធ​សាស្ត្រគ្រ​ប់ជ្រុង​ជ្រោយរវាង​ប្រទេស​ទាំងពីរ​ផង​ដេរ​។ លោក Evgeny Kobelev បានចាត់ទុកថា៖
 
“ដំណើរទស្សន​កិច្ចរបស់នាយករដ្ឋមន្រ្តីលោក Nguyen Xuan Phuc មាន អត្ថន័យដ៏ធំធេង​ទាំងខាង​នយោបាយ​និង​សេដ្ឋកិច្ច​។ ក្រោយពីដំណើរទស្សនកិច្ច របស់លោកកាលពីឆ្នាំ២០១៦មក កិច្ចសហប្រតិបតិ្តការសេដ្ឋកិច្ច វិទ្យាសាស្ត្រ ​បច្ចេកទេសរវាងរុស្ស៊ីនិងវៀតណាមសម្រេចបាននូវលទ្ធផលវិជ្ជមានជាច្រើន។ ប្រទេសទាំងពីរ​បាន​បើក​ទូលាយ​កិច្ចសហប្រតិបត្តិការក្នុងវិស័យនានាដូចជាសេដ្ឋកិច្ច វិនិយោគ ពាណិជ្ជកម្ម វប្បធម៌ ទេសចរណ៍ អប់រំ ឧស្សាហកម្ម ​ថាមពល អវកាស និងការពារជាតិ”។

អ្នក​ប្រាជ្ញរូបនេះក៏បានរំលេចឡើងនូវសមិទ្ធផលក្នុងការអភិវឌ្ឍសេដ្ឋកិច្ចសង្គមរបស់វៀតណាមផងដែរ។ លោក​បាន​អោយ​ដឹងថា ក្នុងប៉ុន្មានឆ្នាំថ្មីៗនេះ វៀត ណាមមានល្បឿនកំណើនសេដ្ឋកិច្ចប្រកបដោយស្ថិរភាព ហើយជាខឿន​សេដ្ឋកិច្ច​ មួយក្នុងចំណោមខឿនសេដ្ឋកិច្ចអភិវឌ្ឍយ៉ាងឆាប់រហ័សបំផុតនៅអាស៊ីអាគ្នេយ៍។ ទន្ទឹមនឹងនោះ ​តួនាទីនិងកិត្យានុភាពរបស់វៀតណាមក្នុងតំបន់និងលើពិភពលោក ក៏កាន់តែកើនឡើង​ពីមួយ​ថ្ងៃ​ទៅមួយ​ថ្ងៃផងដែរ។ វៀតណាមជាដៃគូប្រពៃណី ជា ស្ពានតភ្ជាប់រវាងរុស្ស៊ីនិងអាស៊ាន ជាអាស័យដ្ឋាន​គួរ​អោយ​ជឿទុ​ក​ចិត្ត​ដើម្បីរៀបចំ ព្រឹត្តិការណ៍ លំដាប់តំបន់និងពិភពលោកដូចជាវេទិកា APEC ឆ្នាំ២០១៧ វេទិកា WEF ASEAN ឆ្នាំ​២០១៨ និងកិច្ចប្រជុំកំពូលអាមេរិក-កូរ៉េខាងជើងឆ្នាំ ២០​១៩៕

 

តាម VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ