26/05/2019 11:00 GMT+7 Email Print Like 0

អូស្ត្រាលីសន្យាជួយឧបត្ថម្ភអាស៊ានក្នុងការកសាងសហគមន៍ និងអនុវត្តន៍ទស្សនៈវិស័យអាស៊ានឆ្នាំ ២០២៥


 ទិដ្ឋភាពនៃកិច្ចប្រជុំគណៈកម្មការសហប្រតិបត្តិការរួមអាស៊ាន - អូស្ត្រាលី លើកទី ៩ 
 

ក្នុងដំណាក់កាលចាប់ពីឆ្នាំ២០១៧ ដល់ឆ្នាំ ២០១៨ ទំហំពាណិជ្ជកម្មទ្វេភាគីរវាងអាស៊ាន និងអូស្ត្រាលីទទួលបាន ១០៥ ​ពាន់​ដុល្លារអាមេរិក។

នាថ្ងៃទី​២៤ ខែឧសភា ឆ្នាំ​២០១៩​ កិច្ចប្រជុំគណៈកម្មការសហប្រតិបត្តិការរួមអាស៊ាន - អូស្ត្រាលី លើកទី ៩ បាន​ប្រព្រឹត្តិ​ទៅនៅទីក្រុងចាកាតា​។ កិច្ចប្រជុំនេះបានផ្តោតលើការបូក​សរុបទំនាក់ទំនងរវាង​អាស៊ាន - អូស្ត្រាលី ក្នុង​ឆ្នាំ​ទៅមិញ ក៏ដូចជាពិភាក្សាអំពីទិសដៅសហប្រតិបត្តិការនា​ពេល​ខាង​មុខ។
 
នៅក្នុងកិច្ចប្រជុំនេះ ភាគីទាំងពីរបានវាយតម្លៃខ្ពស់​ចំពោះរាល់​លទ្ធផល​ដែល​ទទួល​បាន​លើគ្រប់​វិស័យ​សហប្រតិ​បត្តិការ​ដូច​ជា៖ នយោបាយ សន្តិសុខ សេដ្ឋកិច្ច ​ វប្បធម៌ សង្គម។ ក្នុងដំណាក់កាលចាប់ពីឆ្នាំ២០​១៧ ដល់ ឆ្នាំ ២០១៨ ទំហំ​ពាណិជ្ជកម្ម​ទ្វេភាគីរវាងអាស៊ាន និងអូស្ត្រាលីទទួលបាន ១០៥ ពា​ន់ដុល្លារអាមេរិក។ នាប​ច្ចុប្បន្ន​នេះ ​អូស្រ្តាលីគឺជាដៃគូពាណិជ្ជកម្មធំទី ​៧ ហើយជាវិនិយោគិន FDI ធំទី​ ៦ របស់អាស៊ាន​។
 
ស្ដីពីផែន​ការធ្វើសកម្មភាពអាស៊ាន - អូស្ត្រាលី ដំណាក់កាលចាប់ពីឆ្នាំ២០១៥ ដល់ ឆ្នាំ ២០១៩ នោះ អាស៊ាន និង អូស្ត្រាលី ​អនុវត្តន៍បានសកម្មភាពចំនួន ១០៩ ក្នុងចំណោមសកម្មភាពទាំង ១១៣ ពោលគឺសម្រេចបាន ៩៦ ភាគរយ​។ ភាគីទាំងពីរក៏បានឯកភាពគ្នាអនុវត្តន៍រាល់សកម្មភាពដែលនៅសេសសល់ឲ្យបានឆាប់ៗក្នុងឆ្នាំ ២០១៩។​
 
ទន្ទឹម​នឹងនេះ អូស្ត្រាលីបានសន្យាបន្តជួយឧបត្ថម្ភអាស៊ានក្នុងការកសាងសហគមន៍ និងអនុវត្ត​ទស្សនៈវិស័យ​អាស៊ាន​ឆ្នាំ ២០២៥ ព្រមទាំងចាត់ទុកថានេះគឺជាតួនាទីដ៏សំខាន់របស់អាស៊ាន ក្នុងការរួម​ចំណែក​រក្សា​សន្តិភាព​ និងស្ថិរភាពក្នុងតំបន់ផងដែរ៕​

 

តាម VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ