នាថ្ងៃទី២៦ ខែមេសា ឆ្នាំ២០១៨ គណៈប្រតិភូជាន់ខ្ពស់រដ្ឋសភាវៀតណាម ដឹកនាំដោយអនុប្រធានរដ្ឋសភាលោក Uong Chu Luu បានទៅបំពេញទស្សនកិច្ចការងារនៅប៊ុលហ្គារី។
ក្នុងជំនួបសន្ទនាជាមួយប្រធានរដ្ឋសភាប៊ុលហ្គារី លោក Tsveta Karayancheva អនុប្រធានរដ្ឋសភាវៀតណាម លោក Uong Chu Luu បានស្នើឲ្យប៊ុលហ្គារី ជំរុញកិច្ចសហប្រតិបតិ្តការជាមួយវៀតណាម ក្នុងវិស័យនានាដែល ប្រទេសនេះ មានឧត្តមភាពដូចជាកសិកម្ម ឧស្សាហកម្មកែច្នៃ និងចំណីអាហារ ជាដើម។ លោក Uong Chu Luu ក៏បានស្នើឲ្យប៊ុលហ្គារី ក្នុងឋានៈជាប្រធានប្ដូរវេនរបស់សហភាពអឺរ៉ុប (EU) នឹងឆាប់អនុម័តលើកិច្ចព្រមព្រៀងពាណិជ្ជកម្មសេរីវៀតណាម-EU (EVFTA) ផងដែរ។
នាថ្ងៃដដែល អនុប្រធានរដ្ឋសភាលោក Uong Chu Luu បានជួបសន្ទនាជាមួយអនុប្រធានាធិបតីប៊ុលហ្គារីលោកស្រី Iliana Yotova។ លោក Uong Chu Luu បានសម្ដែងគោលបំណងថា ដំណើរទស្សនកិច្ចលើកនេះនឹងជំរុញទំនាក់ទំនងជាប្រពៃណីលើវិស័យជាច្រើនរវាងប្រទេសទាំងពីរ ពិសេសគឺទំនាក់ទំនងរវាងស្ថាប័ននីតិបញ្ញាត្តិនៃប្រទេសទាំងពីរ។
រីឯខ្លួនវិញ អនុប្រធានាធិបតីលោកស្រី Iliana Yotova ចាត់ទុកថា ភាគីទាំងពីរគួរតែពិភាក្សាអំពីផែនការយូរអង្វែងលើវិស័យវិនិយោគនិងពាណិជ្ជកម្ម ក៏ដូចជារៀបចំវេទិកាសហគ្រាស សំដៅមជ្ឈដ្ឋានសហគ្រិននៃប្រទេសទាំងពីរ អាចស្វែងយល់អំពីឱកាសវិនិយោគនៃប្រទេសនីមួយៗផងដែរ៕
តាម VOV5 - វិទ្យុសម្លេងវៀតណាម
