អគ្គលេខាបក្ស ប្រធានរដ្ឋ លោក Nguyen Phu Trong ប្រគល់សេចក្តីសម្រេច ស្តីពីការតម្លើងឋានន្តរស័ក្តិថ្នាក់នាយឧត្តមសេនីយ៍
អគ្គលេខាបក្ស ប្រធានរដ្ឋ លោក Nguyen Phu Trong អញ្ជើញថ្លែងមតិក្នុងពិធី (រូបថតៈ TTXVN)
នាព្រឹកថ្ងៃទី២៩ ខែមករា ឆ្នាំ២០១៩ នៅវិមានប្រធានរដ្ឋ អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម ប្រធានរដ្ឋ លោក Nguyen Phu Trong បានអញ្ជើញប្រគល់សេចក្តីសម្រេចតម្លើងឋានន្តរស័ក្តិថ្នាក់នាយឧត្តមសេនីយ៍ ជូនចំពោះរដ្ឋមន្ត្រីក្រសួងនគរបាល លោក To Lam និងប្រធានអគ្គស្នងការនយោបាយកងទ័ពប្រជាជនវៀតណាម លោក Luong Cuong។
អញ្ជើញថ្លែងមតិក្នុងពិធី អគ្គលេខាបក្ស និងជាប្រធានរដ្ឋ លោក Nguyen Phu Trong បានអះអាងថា៖ ការដែលបក្សនិងរដ្ឋបានតម្លើងឋានន្តរស័ក្តិថ្នាក់នាយឧត្តមសេនីយ៍ ជូនចំពោះលោក To Lam និងលោក Luong Cuong គឺបង្ហាញនូវការជឿជាក់ ការយកចិត្តទុកដាក់យ៉ាងជ្រាលជ្រៅរបស់បក្ស រដ្ឋ និងប្រជាជន សម្រាប់កងកម្លាំងប្រដាប់អាវុធ ព្រមទាំងទទួលស្គាល់និងវាយតម្លៃខ្ពស់ ចំពោះរាល់ការរួមចំណែកសំខាន់របស់លោកទាំងពីរចំពោះបុព្វហេតុកសាងនិងអភិវឌ្ឍន៍ផ្នែកកងទ័ព នគរ បាល ក៏ដូចជាក្នុងកិច្ចការកសាងនិងការពារមាតុប្រទេស។
លោកអគ្គលេខាបក្ស ប្រធានរដ្ឋ បានឲ្យដឹងថា៖ ពង្រឹងកិច្ចការពារជាតិ រក្សារឹងមាំសន្តិសុខជាតិ ស្ថិរភាពនយោបាយ សណ្តាប់ធ្នាប់ សុវត្ថិភាពសង្គមជាភារកិច្ចចាំបាច់របស់បក្ស រដ្ឋ របស់ប្រព័ន្ធនយោបាយទាំងមូលនិងប្រជាជនទាំងមូល ក្នុងនោះ កងទ័ពប្រ ជាជននិងនគរបាលប្រជាជនជាកម្លាំងស្នូលផងដែរ៕
តាម VOV5 - វិទ្យុសំឡេងវៀតណាម