ក្នុងឱកាសរំលឹកខួបលើកទី៤៣នៃទិវាបង្កើតទំនាក់ទំនងរវាងវៀតណាម និងម៉ិកស៊ិក (19/5/1975 - 19/5/2018) នាថ្ងៃទី ៩ ខែឧសភា ឆ្នាំ២០១៨ អគ្គលេខាបក្ស ពលកម្មម៉ិកស៊ិក (PT) លោក Alberto Anaya បានអញ្ជើញមកទស្សនាស្ថានទូតវៀតណាមប្រចាំ នៅម៉ិកស៊ិក។
អគ្គលេខាបក្សពលកម្មម៉ិកស៊ិកលើកតម្កើងទំនាក់ទំនងសហប្រតិបត្តិការជាមួយវៀតណាម
លោក Alberto Anaya បានវាយតំលៃខ្ពស់ចំពោះ ទំនាក់ទំនងវៀតណាមនិង ម៉ិកស៊ិកដែលបានអភិវឌ្ឍន៍យ៉ាងស៊ីជម្រៅ និងទូលំទូលាយលើគ្រប់វិស័យ ហើយលោកក៏សង្កត់ធ្ងន់នូវសក្ដានុភាពដ៏ធំធេងលើវិស័យសេដ្ឋកិច្ចនិង ពាណិជ្ជកម្មរវាងប្រទេសទាំងពីរ។ លោក Alberto Anaya បានសម្តែងនូវការកោតសរសើរចំពោះសមិទ្ធិផលដែលប្រជាជនវៀតណាមសម្រេចបានក្នុងបុព្វហេតុផ្លាស់ប្តូរថ្មីដោយមានកំណើនសេដ្ឋកិច្ចរីកចម្ររើនគួរឱ្យចាប់អារម្មណ៍ និងឋានៈកាន់តែសំខាន់របស់វៀតណាមក្នុងតំបន់និងនៅលើពិភពលោក។ តាមការគ្រោងទុក សមាគមសហគ្រាសវឌ្ឍនភាពម៉ិកសិកនឹងចាត់បញ្ជូនក្រុមពាណិជ្ជករមួយក្រុមមកបំពេញទស្សនកិច្ចការងារនិងស្វែងយល់ទីផ្សារវៀតណាមនាខែកញ្ញាខាងមុខនេះ៕
តាម VOV5 - វិទ្យុសម្លេងវៀតណាម
