អគ្គលេខាបក្សកុម្មុយនីស្តវៀតណាម លោក Nguyen Phu Trong ជួបសន្ទនាជាមួយលោក Li keqiang
ក្នុងក្របខ័ណ្ឌដំណើរបំពេញទស្សនកិច្ចនៅចិន នាព្រឹកថ្ងៃទី១៣ ខែមករា ឆ្នាំ២០១៧ នៅទីក្រុងបេកាំង អគ្គលេខាបក្សកុម្មុយនីស្តវៀតណាម លោក Nguyen Phu Trong បានជួបសន្ទនាជាមួយលោក Li keqiang នាយករដ្ឋមន្ត្រីចិន។នៅទីនេះភាគីទាំងពីរបានឯកភាពជំរុញយុទ្ធសាស្ត្រអភិវឌ្ឍន៍ សកម្មភាពស្រាវជ្រាវ និងជំរុញការអនុវត្តគំរោងការណ៍សហប្រតិបត្តិការ។ អគ្គលេខាបក្ស លោក Nguyen Phu Trong និងនាយករដ្ឋមន្ត្រីចិន លោក Li keqiang បានឯកភាពពង្រីកយន្តការសហប្រតិបត្តិការពាណិជ្ជកម្ម កែលំអរស្ថានភាពអតុល្យភាពនយោបាយ។ ភាគីទាំងពីរអះអាងនូវការប្តេជ្ញាចិត្តត្រៀមខ្លួនជាស្រេចបង្កលក្ខណៈងាយស្រួលថែមទៀត ដើម្បីបង្កើនកិច្ចសហប្រតិបត្តិការ វិនិយោគរបស់អង្គភាពអាជីវកម្មនៃប្រទេសទាំងពីរ។ ថ្នាក់ដឹកនាំងពីររូបបានឯកភាពគាំទ្របង្កើនការតភ្ជាប់ក្នុងអាស៊ាន ពង្រីកតួនាទីជាមជ្ឈមណ្ឌលរបស់អាស៊ាននៅអាស៊ីអាគ្នេយ៍និងបង្កើនកិច្ចសហប្រតិបត្តិការរវាងចិននិងអាស៊ាននាពេលខាងមុខដើម្បីសន្តិភាព ស្ថិរភាព ភាពសម្បូររុងរឿងក្នុងតំបន់។
នាព្រឹកថ្ងៃនេះដែរ អគ្គលេខាបក្ស លោកNguyen Phu Trong ក៏មានជំនួបសន្ទនាជាមួយអង្គភាពអាជីវកម្មចិនមួយចំនួនដែលកំពុងសហប្រតិបត្តិការ ធ្វើអាជីវកម្មនៅវៀតណាមផងដែរ៕
តាម VOV5- វិទ្យុសម្លេងវៀតណាម
