តាមរឿងដំណាល សម័យរាជការត្រឹន (Tran) ឡើងគ្រងរាជបល្ល័ង្ក បានជ្រើសទីនេះ កសាងរាជវាំងអានថៃវី (An Thai Vi) នឹងតែងយាងទតស្រីស្នំ ស្រីរបាំច្រៀងជាប្រចាំ ហើយចាប់ពីនោះឈ្មោះនេះបានប្រសូតចេញ។
គុហាមួរ (Mua) ទទួលបានពាក្យសរសើរច្រើន ដោយនាំមកនូវសម្រស់ពិសេស ភាពសម្របនៃប្រវត្តិសាស្រ្តវប្បធម៌ ជាមួយនឹងធម្មជាតិតំបន់ដីក្រុងបុរាណ។ នៅទីនេះ បានប្រៀបដូចជាមហាកំពែងរបស់វៀតណាម ដោយមានកាំជណ្តើរថ្មបុរាណចំនួន៤៨៦កាំទោងទៅដោយស្លែ នឹងនាំលោកអ្នកឡើងទៅកាន់កំពូលភ្នំគុហាមួរ (Mua)។
 អេកូទេសចរណ៍គុហាមួរ (Mua) ចំណុះភូមិសាស្រ្តខេដូវហា (Khe Dau Ha) ឃុំនិញស្វឹន (Ninh Xuan) ហ្វ័រឡឺ (Hoa Lu) (និញប៊ិញ - Ninh Binh)។  ផ្លូវឡើងកំពូលភ្នំគុហាមួរ (Mua) ជាមួយនឹងកាំជណ្តើររាប់រយ ធ្វើឲ្យភ្ញៀវទេសចរ មានអារម្មណ៍ដូចកំពុងដើរកម្សាន្តលើនៅ “មហាកំពែង”។  សំបុត្រចូលទស្សនាគុហាមួរ (Mua) ដោយមានតម្លៃ១០០ពាន់ដុង (ប្រហែល៤ដូល្លាអាមេរិក) ។  គុហាមួរ (Mua) ស្ថិតនៅប្រជុំរមណីយដ្ឋានត្រានអាន (Trang An) បានអង្គការ UNESCO ទទួលស្គាល់ជាកេរដំណែលពិភពលោកឆ្នាំ២០១៤។  ភ្នំមួរ (Mua) ជាទីកន្លែងឧត្តមភាពសម្រាប់គយគន់ទេសភាពតំបន់ព្រៃភ្នំ តាមកុក (Tam Coc) និងត្រានអាន (Trang An)។  រាល់កាំជណ្តើរនៅលើផ្លូវឡើងទៅកាន់កំពូលភ្នំមួរ (Mua) នាំមកជូនភ្ញៀវទេសចរនូវស្ថានីយ៍គយគន់សំឡឹង មើលទេសភាពដ៏អស្ចារ្យ នៃតំបន់កេរដំណែលពិភពលោកត្រានអាន (Trang An)។  ឡើងកំពូលភ្នំមួរ (Mua) ភ្ញៀវទេសចរនឹងភ្ញាក់ផ្អើលពេលនៅចំពោះមុខ គឺទេសភាពដ៏ស្រស់អស្ចារ្យ នៃតំបន់កេរដំណែលត្រានអាន (Trang An) និងតាមកុក (Tam Coc)។  ភ្ញៀវទេសចរឥណ្ឌា ចូលចិត្តថតរូបនៅលើកំពូលមួរ (Mua)។  មិត្តភក្តិមកពីទីក្រុងហូជីមិញ ចូលចិត្តថតរូបអនុស្សាវរីយ៍នៅលើកំពូលភ្នំមួរ (Mua)។  “ខ្ញុំចង់រក្សាកាលៈទេសៈដ៏អស្ចារ្យនេះ ដើម្បីបង្អូតមិត្តភក្តិនៅឯស្រុក” ភ្ញៀវទេសចរអ៊ីស្រាអែល Harmin រំលែកអារម្មណ៍។  ភ្ញៀវទេសចរបរទេសកុះករ រង់ចាំកាលៈទេសៈថ្ងៃអស្តង្គត នៅលើកំពូលភ្នំមួរ (Mua)។  ធ្វើដំណើរមកដល់ភ្នំមួរ (Mua) ក្រេបយកកាលៈទេសៈ “រស់និម្មិត” កំពុងជាម៉ូដែលពេញនិយមនៃយុវវ័យវៀតណាម។  គុហាមួរ (Mua) រណ្តំអារម្មណ៍ភ្ញៀវទេសចរ ពេញអញ្ជើញមកដល់ទីនេះ។ |
នៅពីលើកំពូលភ្នំមួរ (Mua) មិត្តអាចគយគន់មើលតំបន់តាមកុក (Tam Coc) ជាមួយនឹងសម្រស់ស្រស់ស្អាត បម្លាស់ប្ត្តូរតាមរដូវកាលនីមួយៗក្នុងឆ្នាំ បានភ្ញៀវទេសចរបរទេស លើកសរសើរថាស្អាតមិនចាញ់ស្ថានីយ៍គយគន់ខ្ពស់ផ្សេងៗនៅវៀតណាម ដូចជាខ្នងភ្នំម៉ាប៊ីឡែង (Ma Pi Leng) (ហាយ៉ាង - Ha Giang) លិមម៉ុង (Lim Mong) (អៀនបាយ - Yen Bai) ឬម៉ាយចូវ (Mai Chau) (ហ័រប៊ិញ - Hoa Binh)។
មនុស្សគ្រប់រូបវាយតម្លៃកំពូលភ្នំមួរ (Mua) ជាទីកន្លែងរស់និម្មិតស្អាតបំផុតខេត្តនិញប៊ិញ (Ninh Binh)។ ប្រហែលជានៅទីនេះ ទាក់ទាញភ្ញៀវទេសចរបរទេស សន្លឹករូបថតមិនអាចស្អាតជាងនេះទៀត ក៏បានភ្ញៀវទេសចរបរទេសចែករំលែកលើបណ្តាញសង្គម វេទិកាទេសចរណ៍អន្តរជាតិ។
ភ្ញៀវទេសចរចូលចិត្តផ្សងព្រេង ធ្វើដំណើរតាមខ្នងភ្នំបន្តតោងឡើងពើងភ្នំចេញទៅខាងក្រៅ ដើម្បីសំឡឹងមើលទន្លេង៉ោដុង (Ngo Dong) ដ៏ស្រស់ស្អាត។ ពេលព្រះអាទិត្យអស្តង្គត ទូទាំងតំបន់ភ្នំហ្វ័រឡឺ (Hoa Lu) ដណ្តប់ទៅដោយពណ៌លឿង។ ទេសភាពថ្ងៃរសៀលអស្តង្គតនៅទីនេះ ពិតជាស្រស់បំព្រង គាប់ចិត្តអ្នកទេសចរមកទស្សនា។
មិនត្រឹនតែទាក់ទាញដោយទេសភាពធម្មជាតិអស្ចារ្យ ដែលគុហាមួរ (Mua) នៅទាំងមានតម្លៃវប្បធម៌អរូបី ដោយមានរូបសំណាកព្រះម៉ែគង់ស៊ីអីន រួមជាមួយនឹងរូបនាគរចនាលោកខាងកើត នៅលើកំពូលភ្នំ។
ភ្ញៀវទេសចរជនជាតិរុស្ស៊ីឈ្មោះ Roman Ivanov ឲ្យដឹងថា ឱកាសចុងសប្តាហ៍ទំនេរ បងអញ្ជើញមកលេងទីនេះ ឡើងភ្នំហាត់ប្រាណផង គយគន់ទេសភាពស្រស់ស្អាតផង កម្រទីណាមានដូចទីនេះ។ បង Roman ផ្តល់យោបល់គួរត្រឡប់មកគុហាមួរ (Hang Mua) នៅអំឡុងពាក់កណ្តាលខែមិថុនា ឆ្នាំក្រោយ ដើម្បីគយគន់ទេសភាពរដូវកាលមាស នៅលើវាលស្រែស្រូវល្វឹងល្វើយនៃតំបន់ក្រុងបុរាណហ្វ័រឡឺ (Hoa lu)៕
អត្ថបទនិងរូបថត៖ ត្រឹនហៀវ
