សហគ្រាសបច្ចេកវិទ្យាព័ត៌មានត្រូវដើរតួនាទីស្នូលក្នុងការអភិវឌ្ឍន័រដ្ឋាភិបាលអេឡិចត្រូនិក
ឧបនាយករដ្ឋមន្ត្រី លោក Vu Duc Dam អញ្ជើញជាអធិបតីសន្និសីទ
(VGP/Đình Nam)
ការរៀបចំណាត់ថ្នាក់រដ្ឋាភិបាលអេឡិចត្រូនិក របស់វៀតណាមនោះ អាចត្រូវ បានកែលំអយ៉ាងខ្លាំងក្លាថែមទៀត ខណៈដែលក្រសួង ស្ថាប័ននានាធ្វើការពិនិត្យឡើងវិញ នូវវិធានការផ្តល់ព័ត៌មាន ធ្វើសមកាលកម្មទិន្នន័យ និងបង្កើនសេវាកម្ម សាធារណ Online ។ នេះជាខ្លឹមសារដែលបានលើកយកមកពិភាក្សានៅក្នុងកិច្ចប្រជុំ នាថ្ងៃទី១៨ ខែមករា ឆ្នាំ២០១៧ នៅទីក្រុងហាណូយ រវាងឧបនាយករដ្ឋមន្ត្រី លោក Vu Duc Dam ជាមួយក្រសួងស្ថាប័ននានាសំដៅកែលំអ ចំណាត់ថ្នាក់រដ្ឋាភិបាលអេឡិចត្រូ និករបស់វៀតណាម។ ឧបនាយករដ្ឋមន្ត្រី លោក Vu Duc Dam បានស្នើឲ្យក្រសួងស្ថាន័នានា គប្បីជម្រុញថែមទៀតការអនុវត្តសេវាកម្មសាធារណៈ Online ជាពិសេស គឺត្រូវពិគ្រោះយោបល់បទពិសោធន៍ពីប្រទេស ដែលមានសេវាកម្មសាធារណៈជឿនលឿនដូចជាបារាំង សឹង្ហបុរី ជាដើម។ ទន្ទឹមជាមួយគ្នានោះ ក្រសួងទាំងអស់ ត្រូវធ្វើសមកាលកម្មទិន្នន័យ ពាក់ព័ន្ធ នឹងរដ្ឋាភិបាលអេឡិចត្រូនិក ដើម្បីផ្ញើជូនអង្គការអន្តរជាតិនានា និងអង្គការសហប្រជាជាតិតាមការកំណត់ ក៏ដូចជាបច្ចុប្បន្នកម្មព័ត៌មានទៅលើបញ្តាញអ៊ិនធើណែតរបស់ក្រសួងស្ថាប័នទូទាំងប្រទេស។ តាមការរៀបចំណាត់ថ្នាក់រដ្ឋាភិបាលអេឡិចត្រូនិក របស់អង្គការសហប្រជាជាតិ ដែលប្រកាសក្នុងឆ្នាំ២០១៦ គឺវៀតណាម ឈរលំដាប់ថ្នាក់ទី៨៣ ក្នុងចំណោម១៩៣ ប្រទេសលើពិភពលោក៕
តាម VOV5 - វិទ្យុសំឡេងវៀតណាម