29/07/2019 14:48 GMT+7 Email Print Like 0

សហគមន៍ប្រជាជនវៀតណាមនៅតាមបណ្តាប្រទេសជាច្រើនទូទាំង​ពិភពលោកធ្វើសកម្មភាព​តបស្នងសងគុណ​ចំពោះបណ្តាគ្រួសារបដិវត្តន៍


ទិដ្ឋភាពនៃពិធីបុណ្យនៅប្រទេសកូរ៉េខាងត្បូង
 

 នាថ្ងៃទី២៧ ខែកក្កដា ឆ្នាំ​២០១៩ នៅឯវត្ត Heungryunsa ដែលស្ថិតក្នុងទីក្រុង Incheon នៃប្រទេសកូរ៉េខាងត្បូង មជ្ឈមណ្ឌល​វប្បធម៌ពុទ្ធសាសនាវៀតណាម នៅកូរ៉េខាងត្បូងបានរួមជាមួយសមាគមពុទ្ធសាសនិកវៀត ណាមនៅ​កូរ៉េខាង​ត្បូង ជាមួយនឹងការគាំទ្រពីស្ថា​នទូត វៀតណាមប្រចាំនៅកូរ៉េខាង​ត្បូង បាន​រៀប​ចំ​ពីធី​បុណ្យតប​ស្នងសង​គុណ ដើម្បីគោរពដល់វិញ្ញាណក្ខ័ន្ធរប​ស់ជីដូនជីតា ឪពុកម្ដាយដែលបានថែ​រក្សា​បីបាច់ និង​គោរព​ដល់​គុណបំណាច​របស់វីរបុរសផងដែរ។
 
ចូលរួមក្នុងពិធីបុណ្យនេះ មានតំណាងស្ថានទូតវៀតណាមប្រចាំប្រទេសកូរ៉េខាងត្បូង សមាជិក​សភា​កូរ៉េ​ខាង​ត្បូង​មួយ​ចំនួន រួមទាំងតំណាងអ្នក​កាន់សាសនាព្រះពុទ្ធសាសនាកូរ៉េខាង​ត្បូង; ក្រុមហ៊ុនកូរ៉េខាងត្បូង​ រដ្ឋាភិបាល​មូលដ្ឋាន​ក៏ដូចជាព្រះសង្ឃនិងដូនជីជនជាតិវៀតណាមនៅកូរ៉េខាងត្បូងផងដែរ។ ពិធីបុណ្យនេះ ជាឱកាសសម្រាប់​ព្រះ​សង្ឃ ដូនជីនិងប្រជាជនវៀតណាមដែលកំពុងរស់នៅ ធ្វើការ សិក្សានៅប្រទេសកូរ៉េខាង​ត្បូង​ បង្ហាញពីភាពស្មោះត្រង់ ការតបស្នងសងគុណចំពោះជីដូនជីតា ឪពុក ម្តាយដែលបានចិញ្ចឹមបីបាច់។ លើស​ពីនេះទៅទៀ​ត ពិធីបុណ្យនេះ  ថែមទាំងជាសកម្មភាពវប្បធម៌ការទូ​តដែលមានអត្ថន័យយ៉ាងជ្រា​ល​ជ្រៅ ដែល​រួម​ចំណែកដល់ការផ្សព្វផ្សាយអំពីប្រ​ជាជននិងវប្បធម៌របស់វៀត​ណាម ​ក៏ដូចជា ជំរុញការជួប​ប្រាស្រ័យ​វប្បធម៌​និង​តភ្ជាប់ប្រជាជននៃប្រទេសទាំងពីរ​ វៀតណាមនិងកូរ៉េខាងត្បូ​ង​ផងដែរ។
 
នាយប់​ថ្ងៃដដែល នៅវត្ត Phat Tich ស្ថិតនៅរដ្ឋធានីវៀងចាន់ សហគមន៍ប្រជាជន វៀត​ណាម​នៅឡាវ​បាន​ប្រារព្ធ​ពិធី​បង្សកូល​ដើម្បីឧទ្ទិសកុសល់ ដល់វីរៈបុរសដែ​លពលីកម្មក្នុងបុព្វហេតុនៃការរំ​ដោះជាតិ​។ នេះគឺជា​ឱកាសមួយ​សម្រាប់មនុស្ស​គ្រប់គ្នាបង្ហាញ​ពីការ​តប​ស្នង​សង​គុណ​ចំពោះ​គុណូប​ការៈ​ដ៏អង់​អាចក្លាហាន​របស់អ្ន​កដែ​លព​លីក​ម្ម ដើម្បីមាតុប្រទេសមានឯករាជ្យ ហើយមនុ​ស្សទាំងអស់គ្នា បានរស់នៅក្នុងភាពសប្បា​យរីក​រាយ ចម្រុង​ចម្រើន​៕

 

តាម VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ