ទិដ្ឋភាពនៃសន្និសីទ
នាថ្ងៃទី១៥ ខែមិនា ឆ្នាំ២០១៦ សន្និសីទសមាជិកក្រុមប្រឹក្សាប្រតិបត្តិ មជ្ឈមណ្ឌលចែករំលែកព័ត៌មាន ប្រឆាំងនឹងចោរសមុទ្រនិង អំពើប្លន់ប្រដាប់អាវុធប្រឆាំងនាវានៅទ្វីបអាស៊ី (ReCAAP-ISC) លើកទី១០បានបើកនៅប្រទេសសឹង្ហបុរី។ ចូលរួម ក្នុងសន្និសីទនេះមានតំណាងចំនួន៦៦នាក់មក ពីប្រទេសជាសមាជិកចំនួន២០។ គណៈប្រតិភូវៀតណាម ចូលរួមក្នុងសន្និសីទនេះ ដឹកនាំដោយឧត្តមសេនីយ៍ត្រីN guyen Quang Dam មេបញ្ជាការប៉ូលីស្តការពារសមុទ្រ។ ថ្លែងមតិនៅក្នុងសន្និសីទលោក Nguyen Quang Dam បានសង្កត់ធ្ងន់ថា ប្រទេសទាំងអស់ត្រូវលើក កំពស់មនសិការ អំពីស្ថានភាព អស្ថិរភាពអំពីសន្តិសុខលើផ្លូវសមុទ្រដោយចោរសមុទ្រ និងអំពើប្លន់ប្រដាប់អាវុធលើសមុទ្រ។ លោក Nguyen Quang Dam បានស្នើរឲ្យប្រទេសជាសមាជិកទាំងអស់ ត្រូវមានការទទួលខុសត្រូវថែមទៀត ក្នុងការចែករំលែកព័ត៌មាន លើកកំពស់សមត្ថភាព និងមានការរួមសហការសកម្មភាពជាមួយគ្នា រវាងប្រទេសនានា និងមជ្ឈមណ្ឌល ReCAAP-ISC រួមទាំងភាពចាំបាច់ នៃការចលនាឥណ្ឌូនេស៊ីនិងម៉ាឡេស៊ីចូលរួម ReCAAP សំដៅលើកកំពស់ ប្រសិទ្ធិភាពនៃសកម្មភាពរបស់ ReCAAP។ តាមរបៀបវារៈ សន្និសីទ ReCAAP-ISC នឹងបិទបញ្ចប់ នាថ្ងៃទី១៨ខែមិនា៕
តាម VOV5 - វិទ្យុសម្លេងវៀតណាម
