សកម្មភាពរបស់ប្រធានរដ្ឋវៀតណាមនៅឡាវ
ក្នុងក្របខ័ណ្ឌដំណើរបំពេញទស្សនកិច្ចថ្នាក់រដ្ឋ នៅប្រទេសឡាវ នារសៀលថ្ងៃទី១២ ខែមិថុនា ឆ្នាំ២០១៦ ប្រធានរដ្ឋវៀតណាម លោក Tran Dai Quang បានមានជំនួបសន្ទនាជាមួយនាយករដ្ឋមន្ត្រីរ រដ្ឋាភិបាលឡាវ លោក Thongloun Sisoulith និងប្រធានរដ្ឋសភា លោកស្រី Pany Yathotu និងអញ្ជើញទៅសាកសួរសុខទុក្ខ អតីតលេខាធិការបក្ស និងជាប្រធានរដ្ឋឡាវ លោក Chummaly Xaynhaxon ។
នៅក្នុងបណ្ដាជំនួបសន្ទនា នាយករដ្ឋមន្ត្រី រដ្ឋាភិបាលឡាវ លោក Thongloun Sisoulith និងប្រធានរដ្ឋសភា លោកស្រី Pany Yathotu បានសង្កត់ធ្ងន់ទៅលើអត្ថន័យនៃដំណើរទស្សនកិច្ចថ្នាក់រដ្ឋជាលើកដំបូងរបស់ប្រធានរដ្ឋ លោក Tran Dai Quang ក្នុងថានះថ្មីជាប្រធានរដ្ឋ។ ប្រការនេះបានបង្ហាញនូវការយកចិត្តទុកដាក់របស់បក្ស រដ្ឋ និងរដ្ឋាភិបាល ក៏ដូចជារបស់បុគ្គលលោកប្រធានរដ្ឋ Tran Dai Quang ចំពោះទំនាក់ទំនងពិសេសវៀតណាម-ឡាវ។ នាយករដ្ឋមន្ត្រី និងប្រធានរដ្ឋសភាក៏បានជឿជាក់ថា៖ ដំណើរទស្សនកិច្ចលើកនេះនឹងរួមចំណែកសំខាន់ ក្នុងការពង្រឹងនិងពង្រីកទំនាក់ទំនងប្រពៃណីចំណងសាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ។ ប្រធានរដ្ឋ លោក Tran Dai Quang បានវាយតំលៃខ្ពស់ចំពោះសមិទ្ធិផលសំខាន់ៗ ដែលបក្ស និងប្រជាជនឡាវទទួលបាននាពេលកន្លងទៅ។ ភាគីទាំងពីរក៏បានវាយតំលៃខ្ពស់ចំពោះទំនាក់ទំនងសហប្រតិបត្តិការដ៏ល្អប្រសើររវាងប្រទេសទាំងពីរ និយាយរួម និងរវាងរដ្ឋសភា រដ្ឋាភិបាលនៃប្រទេស
ទាំងពីរនិយាយដោយឡែក រួមចំណែកសំខាន់ដើម្បីប្រទេសទាំងពីរទទួលបានសមិទ្ធិផលនានា ក្នុងយុទ្ធសាស្ត្រសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកទេស រវាងវៀតណាម-ឡាវ ក្នុងដំណាក់កាល ២០១១-២០២០ និងកិច្ចព្រមព្រៀងសហប្រតិបត្តិការវៀតណាម-ឡាវ ដំណាក់កាល២០១១-២០១៥៕
តាម VOV5 - វិទ្យុសម្លេងវៀតណាម
