បុណ្យតេតប្រពៃណីអំណរសាទរនិទាឃៈរដូវឆ្នាំរកានព្វស័ក បានប្រព្រឹត្តទៅយ៉ាងកក់ក្តៅ នាថ្ងៃទី២២ ខែមករា ឆ្នាំ២០១៧ នៅស្ថានទូតវៀតណាមប្រចាំក្រុងឡុង ប្រទេសអង់គ្លេសដោយមានការចូលរួមរបស់ជនវៀតណាម ជាង៤០០នាក់មកពីគ្រប់ទិសទីប្រទេសអង់គ្លេស។ អញ្ជើញថ្លែងមតិក្នុងពិធីឯកអគ្គរដ្ឋទូតវៀតណាម ប្រចាំនៅអង់គ្លេស លោក Nguyen Van Thao បានអំពាវនាវឲ្យបងប្អូនអាណិកជននៅអង់គ្លេសរួមកម្លាំងកាយចិត្តចូលក្នុងការអភិវឌ្ឍន៍ប្រទេសជាតិនិយាយរួម ក៏ដូចជាក្នុងទំនាក់ទំនងរ វាងវៀតណាម ជាមួយអង់គ្លេសនិយាយដោយឡែក។
សកម្មភាពទទួលបុណ្យតេតរបស់អាណិកជនវៀតណាមលើទូទាំងពិភពលោក
នៅទីក្រុង Sao Paulo ស្ថានទូតវៀតណាមប្រចាំ នៅប្រទេសប្រេស៊ីល និងគណៈកម្មាធិការទំនាក់ទំនងសហគមន៍ជនវៀតណាម នៅទីនេះបានរៀបចំពិធីជួប សំណេះសំណាលទទួលបុណ្យតេតនិទាឃៈរដូវឆ្នាំរកានព្វស័ក ដោយមានវត្តមាន ឯកអគ្គរដ្ឋទូត Do Ba Khoa និងកម្មាភិបាលស្ថានទូតរួមទាំងតំណាងសហគមន៍ជនវៀតណាមទៀតផង។
នាយប់ថ្ងៃទី២២ ខែមករា ឆ្នាំ២០១៧ នៅ Fukuoka ប្រទេសជប៉ុនស្ថានកុងស៊ុលវៀតណាម និងសមាគមយុវជននិស្សិតវៀតណាម នៅ Fukuoka បានរួមសហការរៀបចំបុណ្យតេតសហគមន៍ ទទួលនិទាឃៈរដូវឆ្នាំរកានព្វស័កដែលទាក់ទាញការចូលរួមរបស់ គ្រូបង្រៀននិស្សិតអន្តរជាតិនិងតំណាងជនវៀតណាម ដែលកំពុងរស់នៅនិងសិក្សារៀនសូត្រ នៅតំបន់ Kyushu – Okinawa ប្រទេសជប៉ុន។
មនុនោះ នាយប់ថ្ងៃទី២១ ខែមករា ឆ្នាំ២០១៧ នៅរដ្ឋធានីវៀងច័ន្ទ ប្រទេសឡាវស្ថានទូតវៀតណាម នៅទីនេះក៏បានរៀបចំបុណ្យតេតសហគមន៍ ទទួលនិទាឃៈរដូវឆ្នាំរកានព្វស័ក ២០១៧ផងដែរ៕
តាម VOV5 - វិទ្យុសំឡេងវៀតណាម
