វៀតណាមនិងមីយ៉ាន់ម៉ាសន្យាធ្វើឲ្យស៊ីជំរៅថែមទៀតនូវទំនាក់ទំនងពាណិជ្ជកម្ម-វិនិយោគ
វៀតណាមនិងមីយ៉ាន់ម៉ានាថ្ងៃទី២៦ ខែតុលា ឆ្នាំ២០១៦ បានចេញសេចក្ដីថ្លែងការណ៍រួមក្នុងឱកាសដំណើរទស្សនកិច្ចថ្នាក់រដ្ឋនៅវៀតណាម ចាប់ពីថ្ងៃទី២៦ដល់ថ្ងៃទី២៨ ខែតុលា របស់ប្រធានាធិបតីសាធារណៈរដ្ឋសហភាពមីយ៉ាន់ម៉ា លោក Htin Kyaw។ ឯកសារនេះបានលើកច្បាស់ថា ប្រធានរដ្ឋវៀតណាមនិងប្រធានាធិបតីមីយ៉ាន់ម៉ា បានអញ្ជើញជួបចរចារ ហើយឯកភាពលើការជំរុញខ្លាំងដំណើរទស្សនកិច្ចនិងជំនួបប្រាស្រ័យជាន់ខ្ពស់ និងគ្រប់ជាន់ថ្នាក់រវាងបក្ស រដ្ឋាភិបាល រដ្ឋ រដ្ឋសភានិងប្រជាជននៃប្រទេសទាំងពីរ។
ទិដ្ឋភាពនៃជំនួបចរចារជាន់ខ្ពស់វៀតណាម-មីយ៉ាន់ម៉ា (រូបថត៖VOV)
ភាគីទាំងពីរបានសន្យាធ្វើឲ្យស៊ីជំរៅថែមទៀត នូវទំនាក់ទំនងពាណិជ្ជកម្ម វិនិយោគទ្វេភាគីដោយឈរលើមូលដ្ឋានផលប្រយោជន៍ដូចគ្នា ហើយបង្កលក្ខណៈល្អបំផុតដើម្បីឲ្យសកម្មភាពធ្វើអាជីវកម្មអភិវឌ្ឍន៍យ៉ាងខ្លាំងក្លា។ថ្នាក់ដឹកនាំទាំងពីរ រូបបានចែករំលែកនូវទស្សនៈ ផលប្រយោជន៍រួមអំពីសន្តិភាព សន្តិសុខតំបន់និង អះអាងលើការបង្កើនកិច្ចសហប្រតិបតិ្តការការពារជាតិ សន្តិសុខរវាងប្រទេសទាំងពីរ ព្រមទាំងពិចារណាលើការបង្កើតយន្តការ “កិច្ចសន្ទនាគោលនយោបាយការពារជាតិ” និងយន្តការ “ក្រុមការងាររួម” រវាងក្រសួងការពារជាតិនៃប្រទេសទាំងពីរយ៉ាងឆាប់ៗ។ ប្រធានរដ្ឋលោក Tran Dai Quang និងប្រធានាធិបតីលោក Htin Kyaw បានស្វាគមន៍ការតភ្ជាប់កាន់តែខ្លាំងក្លា និងទូលំទូលាយរវាងប្រទេសទាំងពីរលើវិស័យកសិកម្ម ទូរគមនាគមន៍ ចរាចរណ៍ ដឹកជញ្ជូនជាដើម។ ថ្នាក់ដឹកនាំទាំងពីររូបវាយតំលៃខ្ពស់ចំពោះកិច្ចសហប្រតិបតិ្តការដ៏ស្អិតរមួតរវាងប្រទេសទាំងពីរ នៅវេទិកាតំបន់ និងអន្តរជាតិ ហើយឯកភាពលើការពង្រីកលទ្ធ ផលនោះក្នុងក្របខ័ណ្ឌអាស៊ាននិងវេទិកាតំបន់ និងអន្តរជាតិផ្សេងៗទៀត។ ប្រធានរដ្ឋវៀតណាមនិងប្រធានាធិបតីមីយ៉ាន់ម៉ា អះអាងនូវការសន្យារក្សាសន្តិភាព ស្ថិរភាពនិងភាពសម្បូររុងរឿងនៅតំបន់ ជំរុញការខំប្រឹងប្រែងកសាងសហគមន៍អាស៊ាន ព្រមទាំងអះអាងជាថ្មីម្ដងទៀតនូវសារសំខាន់ នៃការដោះស្រាយជំ លោះនៅតំបន់ដោយសន្តិវិធី គោរពគោលការណ៍នានាដែលត្រូវបានទទួលស្គាល់យ៉ាងទូលំទូលាយ នៃច្បាប់អន្តរជាតិ ក្នុងនោះមានអនុសញ្ញាអ.ស.ប ស្ដីអំពីច្បាប់សមុទ្រឆ្នាំ១៩៨២ (UNCLOS) ផង។ ភាគីទាំងពីរបានអះអាងជាថ្មីម្ដងទៀត នូវការគាំទ្រ ចំពោះការអនុវត្តន៍យ៉ាងពេញលេញ និងប្រកបដោយប្រសិទ្ធិភាពនូវសេចក្ដីថ្លែងការណ៍ ស្ដីអំពីការប្រតិបត្តិរបស់ភាគីនានានៅសមុទ្រខាងកើត (DOC) ហើយភាពចាំបាច់នៃការសម្រេចក្រមប្រតិបត្តិសំរាប់ភាគីនានានៅសមុទ្រខាងកើត (COC) យ៉ាងឆាប់រហ័សផងដែរ៕
តាម VOV5 - វិទ្យុសំឡេងវៀតណាម