15/11/2019 10:07 GMT+7 Email Print Like 0

វៀតណាមនិងកាហ្សាក់ស្ថានបន្តសហការយ៉ាងស្អិតរមួត គាំទ្រគ្នាទៅវិញទៅមក នៅវេទិកាតំបន់និងអន្តរជាតិនានា


 ប្រធានរដ្ឋសភាវៀតណាមលោកស្រី Nguyen Thi Kim Ngan និងប្រធានសភាជាន់ទាបកាហ្សាក់ស្ថានលោក Nurlan Nigmatulin (រូបថត៖ TTXVN)
 

នាព្រឹក​ថ្ងៃទី១៤ ខែវិច្ឆិកា ឆ្នាំ២០១៩ នៅអគាររដ្ឋសភា ប្រធានរដ្ឋសភាវៀតណាម លោកស្រី Nguyen Thi Kim Ngan ​បានធ្វើជាអធិបតីនៅពិធីទទួលបដិសណ្ឋារកិច្ចជាផ្លូវការចំពោះប្រធានសភាជាន់ទាបកាហ្សាក់ស្ថាន។ បន្ទាប់​នោះ ​ភាគីទាំង ពីរបានដំណើរការពិភាក្សាការងារទ្វេភាគី។
 
ប្រធានរដ្ឋសភា​ទាំងពីរបានអោយដឹងថាក្រោយរយៈពេល២៧ឆ្នាំបង្កើត ទំនាក់ទំនងការទូត មក ទំនាក់ទំនង​រវាង​​វៀ​តណាមនិងកាហ្សាក់ស្ថានកំពុងរីក ចម្រើនយ៉ាងល្អប្រសើរ។
 
កិច្ចព្រម​ព្រៀងពាណិជ្ជកម្មសេរីរវាងវៀតណាមនិងសហភាពសេដ្ឋកិច្ចអាស៊ី-អឺរ៉ុប (EAEU) ដែល​ត្រូវ​បាន​ចុះហត្ថ​លេខាកាល​ពីឆ្នាំ២០១៦ បាននាំមកនូវ លទ្ធផលវិជ្ជមានក្នុងកិច្ចសហប្រតិបតិ្តការ​សេដ្ឋកិច្ច​ពាណិជ្ជកម្ម​ប៉ុន្តែ​មិន​​ទាន់សក្តិសមនឹងសក្ដានុពលនិងទំនាក់ទំនងរវាងប្រទេសទាំងពីរនៅឡើយ។ ប្រធានរដ្ឋ សភាទាំងពីរបាន​ឯកភាព​រក្សា​និងពង្រីក​យន្តការ​ពិគ្រោះយោបល់​គ្នាទៅ​វិញ​ទៅមក​នៅវេទិកា​ពហុភាគី​នានាដូច​ជា IPU APPF ASEP និង MSEAP ជាដើម។
 
បន្ទាប់​ពីជំនួបពិភាក្សាការងារ ភាគីទាំងពីរបានរៀបចំសន្និសីទកាសែតរួម។ ថ្លែងនៅទីនេះ ប្រធាន​រដ្ឋ​សភា​វៀត​ណាម​លោកស្រី Nguyen Thi Kim Ngan បានអោយដឹងថា ភាគីទាំង​ពីរ​បាន​ឯកភាព​ជំរុ​ញថែ​មទៀត​នូវ​កិច្ច​សហប្រតិបតិ្ត ការសេដ្ឋកិច្ចពាណិជ្ជកម្ម ជាពិសេសគឺលើវិស័យនានាដែលវៀតណាមមានឧត្តម ភាពហើយ​កាហ្សាក់​ស្ថាន​មានតម្រូវការដូចជា ឧស្សាហកម្មស្រាល ឧស្សាហ កម្ម ចំណីអាហារ តម្បាញកាត់ដេ ហើយពង្រីក​សក្ដានុភាព​និងឧត្តមភាពនៃកិច្ចព្រមព្រៀងពាណិជ្ជ កម្មសេរីរវាងវៀតណាមនិង EAEU។ ភាគីទាំងពីរ​សន្យាបន្ត​ សហការ គាំទ្រគ្នាទៅវិញទៅមកនៅវេទិកាតំបន់និងអន្តរជាតិនានា ជាពិសេសគឺ ក្នុងឆ្នាំ២០២០ដែល​កាហ្សាក់ស្ថានជាប្រធានកិច្ចប្រជុំអំពីកិច្ចសហការធ្វើសកម្ម ភាពនិង​វិធាន​ការ​ពង្រឹង​ជំនឿ​ទុក​ចិត្ត​នៅ​ទ្វីប​អាស៊ី (CICA) ហើយវៀត ណាមជា ប្រធាន​អាស៊ាន​និង​សមាជិក​មិន​អចិន្រ្តៃយ៍​នៃក្រុម​ប្រឹក្សាសន្តិ​សុខ​អង្គការ​សហប្រជាជាតិ​អាណត្តិ២០២០-២០២១​។ ប្រធានរដ្ឋសភាវៀតណាមលោកស្រី Nguy​en Thi Kim Ngan បាន​សង្កត់ធ្ងន់ថា៖
 
 “ភាគីទាំង​ពីរឯកភាពថា នឹងស្រាវជ្រាវលទ្ធភាពចុះហត្ថលេខាលើកិច្ចព្រម ព្រៀង​សហប្រតិបតិ្តការ​រវាង​ស្ថាប័ន​នីតិបញ្ញ​ត្តិ​ទាំងពីរ បង្កើតមូលដ្ឋានដើម្បី ដំណើរការកិច្ច​សហប្រតិបតិ្តការ​អោយកាន់​តែ​និរន្តរ​ភាព​និង​ប្រសិទ្ធភាព​ ព្រម ទាំងរក្សាពង្រីកយន្តការពិគ្រោះយោបល់ សហការគ្នាយ៉ាងស្អិតរមួតនៅវេទិកាព ហុភាគីនា​នា​។ ​ទំនាក់ទំនងរវាងប្រទេសទាំងពីរនៅតែមានសក្ដានុពលជាច្រើន ដើម្បីអ​ភិវឌ្ឍ។ រដ្ឋសភា​នៃប្រទេស​នីមួយៗ​ត្រូវការ​ពង្រីក​តួនាទីរបស់ខ្លួន ធ្វើអោយ ស៊ីជំរៅ​ថែមទៀត​នូវទំនាក់​ទំនង​សហប្រតិ​បតិ្តការ​ទ្វេភាគីនេះ​នាពេល​ខាង​មុខ​”។
 
ចំណែក​ឯប្រធានសភាជាន់ទាបកាហ្សាក់ស្ថានលោក Nurlan Nigmatulin បានអះអាងថា វៀតណាម​ជាដៃគូ​យុទ្ធសាស្ត្រ​របស់​កាហ្សាក់ស្ថាននៅអាស៊ី អាគ្នេយ៍ ក៏ដូជានៅសហគមន៍បណ្ដាប្រទេសឯករាជ្យ (SNG)។ លោក​បាន​​លើក​ច្បាស់ថា៖

“រដ្ឋសភា​នៃ​ប្រទេស​ទាំងពីរ​មានតួនាទីដ៏សំខាន់ ក្នុងការជួយ​ឧបត្ថម្ភ​ដល់ការ​អភិវឌ្ឍ​សេដ្ឋកិច្ច​ពាណិជ្ជកម្ម​វិនិយោគ​នៅប្រទេស​នីមួយៗ។ ភាគីទាំងពីរបាន ឯកភាពនឹងជំ​រុញខ្លាំងនូវការផ្លាស់ប្ដូរគណៈប្រ​តិ​ភូរដ្ឋសភា ទៅវិញ​ទៅមកនា​ពេលខាងមុខដើម្បីរៀនសូត្រប​ទពិសោធន៍ របស់គ្នាក្នុងការងារនី​តិបញ្ញត្តិ កសាងច្រក​របៀង​គតិយុត្ត​សម្រាប់ទំនាក់ទំនងរវាងរ​ដ្ឋសភាទាំងពីរ​”៕

 

តាម VOV5 - វិទ្យុសំឡេងវៀតណាម​

បណ្តាព័ត៌មានបានផ្សាយ