12/05/2021 13:43 GMT+7 Email Print Like 0

លោកស្រី Tran To Nga ៖ ខ្ញុំនឹងបន្តការតស៊ូដើម្បីជនរងគ្រោះដោយជាតិគីមីពុលពណ៌លឿងទុំ/ឌីអុកស៊ីត

រឿងរឿងបន្តឹងរបស់លោកស្រី Tran To Nga ទទួលបានការគាំទ្រកាន់តែខ្លាំងឡើងពីមតិសាធារណៈ (រូបថតៈ Collectif Vietnam-Dioxine)
 

លោកស្រី Tran To Nga ចែករំលែកថា លោកស្រីមិនភ្ញាក់ផ្អើលនោះទេ ព្រោះលោកស្រីបានត្រៀមស្មារតីរួចជាស្រេច។

លោកស្រី Tran To Nga បានបញ្ជាក់ថា “នឹងបន្តការតស៊ូដើម្បីជនរងគ្រោះដោយសារជាតិគីមីពុលពណ៌លឿងទុំ/ឌីអុកស៊ីត វៀតណាម” បន្ទាប់ពីទទួលបានព័ត៌មាននៅព្រឹកថ្ងៃទី ១០ ឧសភា ពីការិយាល័យមេធាវី Bourdon ដែលថា តុលាការទីក្រុង Evry បានចេញសេចក្តីសម្រេច ដែលមិនមានសមត្ថ ភាព សម្រាប់ករណីបណ្តឹងតវ៉ារបស់លោកស្រី។ លោកស្រី Tran To Nga ចែករំលែកថា លោកស្រីមិនភ្ញាក់ផ្អើលនោះទេ ព្រោះលោកស្រីបានត្រៀមស្មារតីរួចជាស្រេច។ លោកស្រីនឹងបន្តប្តឹងឧទ្ធរណ៍ ហើយនឹងបន្តដំណើរថ្មី ទោះបីជាលំបាកយ៉ាងណាក៏ដោយ។ នាថ្ងៃដដែល គណៈបក្សកុម្មុយនិស្តអាល្លឺម៉ង់ (DKP) បានចេញសេចក្តីថ្លែងការណ៍ គាំទ្របណ្តឹងជាប្រវត្តិសាស្រ្តរបស់លោកស្រី Tran To Nga ក៏ដូចជាជនរងគ្រោះដោយសារជាតិគីមីពុល ពណ៌ លឿងទុំ/ឌីអុកស៊ីតវៀតណាម ប្រឆាំងនឹងក្រុមហ៊ុនគីមីពហុជាតិចំនួន ១៤។ នៅក្នុងសេចក្តីថ្លែងការណ៍ គណបក្សកុម្មុយនិស្តអាល្លឺម៉ង់បានបញ្ជាក់ថា៖ DKP បានឃើញថា សាលក្រមកាលពីថ្ងៃទី ១០ ខែឧសភា របស់តុលាការក្រុងប៉ារីស ជាថ្មីម្តងទៀតបានបោះបង់ចោលប្រជាជនវៀតណាមរាប់លាននាក់ ដែលកំពុងទទួលរងនូវផលវិបាកធ្ងន់ធ្ងរដោយសារសង្គ្រាមជាតិគីមី ដោយយោធាអាមេរិកអនុវត្តន៍ក្នុងអំឡុងសង្គ្រាមវៀតណាម។ គណបក្សកុម្មុយនិស្តអាល្លឺម៉ង់បានសង្កត់ធ្ងន់ថា នឹងបន្តជូនដំណឹងអំពីជនល្មើសដែលបណ្តាលការឈឺចាប់លើប្រជាជនវៀតណាម ព្រមទាំងបញ្ជាក់ពីសាមគ្គីភាពជាមួយលោកស្រី Tran To Nga និងជនរងគ្រោះដោយជាតិគីមីពុលពណ៌ លឿងទុំនៅវៀតណាម៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ