24/08/2020 16:28 GMT+7 Email Print Like 0

លោកនាយករដ្ឋមន្រ្តីអញ្ជើញជាអធិបតីក្នុងជំនួបធ្វើការរវាងគណអភិបាលកិច្ចការបក្សជាមួយគណៈកម្មាធិការបក្សទីក្រុងហូជីមិញ

នាព្រឹកថ្ងៃទី ២៣ សីហា នៅទីស្តីការរដ្ឋាភិបាល លោកនាយករដ្ឋមន្រ្តី Nguyen Xuan Phuc បានអញ្ជើញជាអធិបតីនៃកិច្ចប្រជុំរវាងគណអភិបាលកិច្ចការបក្សរដ្ឋាភិបាល ជាមួយគណៈ កម្មាធិការបក្សទីក្រុងហូជីមិញដោយផ្តល់មតិយោបល់លើឯកសារនៃមហាសន្និបាតបក្សទីក្រុងអាណត្តិ ២០២០-២០២៥។

ទិដ្ឋភាពនៃជំនួបធ្វើការ (រូបថត៖ VGP/Quang Hieu)




អញ្ជើញថ្លែងនៅក្នុងកិច្ចប្រជុំ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់លើតួនាទីដ៏សំខាន់របស់ទីក្រុងហូ ជីមិញសម្រាប់ប្រទេសជាតិ។ ហេតុដូច្នេះ ការត្រៀមរៀបចំឯកសារសម្រាប់មហាសន្និបាតគណៈកម្មាធិការបក្សទីក្រុងបានចូលរួមចំណែកក្នុងការអភិវឌ្ឍន៍ទីក្រុង នាពេលខាងមុខផងនិងចូលរួមចំណែកអភិវឌ្ឍន៍ប្រទេសជាតិផង។ លោកនាយករដ្ឋមន្រ្តីបានស្នើឱ្យគណអភិបាលកិច្ចការបក្សរដ្ឋាភិបាលនិងរដ្ឋមន្រ្តីដែលបានចូលរួមជំនួបនេះ បង្ហាញនូវគំនិតនិងការទទួលខុសត្រូវរបស់ខ្លួន ដើម្បីរួមចំណែកដល់សេចក្តីព្រាងឯកសារ របាយការណ៍ និងការតម្រង់ទិសអភិវឌ្ឍន៍របស់ទីក្រុង។

លេខាគណៈកម្មាធិការបក្សទីក្រុងហូជីមិញ លោក Nguyen Thien Nhan បានមានប្រសាសន៍ថា នេះជាលើកទី ៦ ហើយដែលលោកនាយករដ្ឋមន្រ្តី Nguyen Xuan Phuc បានអញ្ជើញជាអធិបតីក្នុងកិច្ចប្រជុំជាមួយទីក្រុងដែលបង្ហាញនូវការយកចិត្តទុកដាក់ពិសេសរបស់រដ្ឋាភិបាលនិងនាយករដ្ឋមន្ត្រីចំពោះទីក្រុង។ បន្ទាប់ពីគណអភិបាលកិច្ចការបក្សរដ្ឋាភិបាលនិងថ្នាក់ដឹកនាំក្រសួងមួយចំនួនបានផ្តល់មតិលើសេចក្តីព្រាងឯកសារនិងរបាយការណ៍នានារបស់ទីក្រុងមក ទីក្រុងនឹងផ្ទៀងផ្ទាត់ជាលើកចុងក្រោយដើម្បីបញ្ជូនទៅការិយាល័យនយោបាយ៕

 

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ