16/09/2020 22:40 GMT+7 Email Print Like 0

ពីធីបើកសម័យប្រជុំលើកទី ៤៥ នៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិ

នាថ្ងៃទី ១៤ ខែកញ្ញា នៅទីស្នាក់ការនៃអង្គការសហប្រជាជាតិ (អ. ស. ប) នៅទីក្រុងហ្សឺណែវ ប្រទេសស្វីស បានប្រព្រឹត្តទៅសម័យប្រជុំលើកទី ៤៥ នៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិ ក្រោមទម្រង់ជួបប្រជុំដោយផ្ទាល់ និងតាមប្រព័ន្ធវីដេអូផងដែរ។

លោកស្រីឯកអគ្គរដ្ឋទូត លោកស្រី Le Thi Tuyet Mai និងតំណាងឱ្យសម័យប្រជុំនៃក្រុមប្រឹក្សាសិទ្ធិមនុស្សលើកទី ៤៥ (រូបថត៖ TTXVN)


អញ្ជើញថ្លែងមតិនៅក្នុងសម័យប្រជុំសន្ទនាស្តីពីរបាយការណ៍របស់ឧត្តមស្នងការទទួលបន្ទុកសិទ្ធិមនុស្សស្តីពីផលប៉ះពាល់នៃជំងឺកូវីដ១៩ ចំពោះសិទ្ធិមនុស្ស ឯកអគ្គរដ្ឋទូតនិងជាប្រធានស្ថានបេសកកម្មអចិន្ត្រៃយ៍វៀតណាមប្រចាំអមទាំងនៅអង្គការសហប្រជាជាតិ អង្គការពាណិជ្ជកម្មពិភពលោកនិងអង្គការអន្តរជាតិផ្សេងៗទៀតនៅទីក្រុងហ្សឺណែវ លោកស្រី Le Thi Tuyet Mai បានអះអាងថា វៀតណាម ប្តេជ្ញាការពារនិងជម្រុញអនុវត្តសិទ្ធិមនុស្សក្នុងបរិបទនៃជំងឺកូវីដ ១៩ ព្រមទាំងគាំទ្រកិច្ចសហប្រតិបត្តិការនិងទទួលយកបាននូវវិធីសាស្រ្តពហុភាគីនិយម ដើម្បីឆ្លើយតបនឹងជំងឺរាតត្បាតនិងការស្តារសេដ្ឋកិច្ចឡើងវិញក្រោយពីវិបត្តិជំងឺកូវីដ១៩ផងដែរ។

លោកស្រីឯកអគ្គរដ្ឋទូតក៏បានសង្កត់ធ្ងន់ថាវៀតណាមបានផ្តោតការយកចិត្តទុកដាក់យ៉ាងខ្លាំងចំពោះគោលនយោបាយស្ថិរភាពសេដ្ឋកិច្ច និងវិធានការនានា ដើម្បីកាត់បន្ថយផលប៉ះពាល់នៃជំងឺរាតត្បាតកូវីដ១៩ ចំពោះសិទ្ធិរស់រានមានជីវិត សិទ្ធិទទួលបានការថែទាំសុខភាព និងជីវភាពរស់នៅរបស់ប្រជាជន ជាពិសេសគឺក្រុមងាយរងគ្រោះ និងធានាថា «គ្មាននរណាម្នាក់ត្រូវបានបំភ្លេចចោល» នោះឡើយ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ