រោងចក្រកែច្នៃជលផលកកនាំចេញនៅវៀតណាម (រូបថត៖Vu Sinh/TTXVN)
“CLMVT ២០១៦-ឆ្ពោះទៅរកភាពសម្បូររុងរឿងរួម” ជាប្រធានបទនៃវេទិការប្រទេសចំនួន៥នៅអនុតំបន់ទន្លេមេគង្គ (រួមមានកម្ពុជា ឡាវ មីយ៉ាន់ម៉ា វៀតណាម និងថៃ-CLMVT) លើកទី១ ដែលប្រព្រឹត្តទៅនៅទីក្រុងបាំងកកប្រទេសថៃចាប់ពីថ្ងៃទី១៦ដល់ថ្ងៃទី១៨ ខែមិថុនា ឆ្នាំ២០១៦ ដោយមានការចូលរួមរបស់តំណាង នៃស្ថាប័នរដ្ឋាភិបាល អង្គភាពអាជីវកម្មជួរមុខ និងអាជីវករវ័យក្មេងនានាក្នុងតំបន់។ គោលដៅយូរអង្វែងនៃវេទិការនេះ គឺសំដៅជំរុញកិច្ចសហប្រតិបតិ្តការ លុបចោលរបាំងពាណិជ្ជកម្ម និងវិនិយោគ បង្កើនកិច្ចសន្ទនា រវាងរដ្ឋាភិបាលនៃប្រទេសទាំងអស់ជាមួយ ផ្នែកឯកជនដើម្បីអភិវឌ្ឍន៍សេដ្ឋកិច្ច ពាណិជ្ជកម្ម ទេសចរណ៍និង វិនិយោគនៃប្រទេសនិមួយៗ។ ថ្លែងមតិនៅសម័យប្រារព្ធនាថ្ងៃទី១៦ ខែមិថុនា នាយករដ្ឋមន្រ្តីថៃ លោក Prayuth Chan-ocha បានសង្កត់ធ្ងន់ថា ដោយឈរលើ មូលដ្ឋាននោះគឺកិច្ចសហប្រតិបតិ្តការដ៏ស្អិតរមួតលើវិស័យសេដ្ឋកិច្ច វប្បធម៌ និងវឌ្ឍនភាព ប្រទេស CLMVT ទាំងអស់ប្ដេជ្ញាចិត្តឆ្ពោះទៅការបើកទូលាយសមាហរណកម្ម និងតភ្ជាប់សេដ្ឋកិច្ចសំដៅធានាភាពសម្បូររុងរឿងរួម។ សេដ្ឋកិច្ចកម្ពុជា ឡាវ មីយ៉ាន់ម៉ា និងវៀតណាម បានអភិវឌ្ឍន៍យ៉ាងខ្លាំងក្លានាពេលកន្លងទៅ ដោយល្បឿនកំណើនជាមធ្យម៥,៨%ចាប់ពីឆ្នាំ២០១១ដល់ឆ្នាំ២០១៤។ ក្នុងពេលនោះ ថៃជាប្រទេសមានកំរិតអភិវឌ្ឍន៍ខ្ពស់ជាង ដោយប្រព័ន្ធហេដ្ឋារចនាសម្ព័ន្ធគមនាគមន៍ ផលិតកម្ម សេវាកម្ម និងហិរញ្ញវត្ថុរីកចំរើនបង្គួរ៕
តាម VOV5 - វិទ្យុសម្លេងវៀតណាម
