ប្រមូលផ្តុំកម្លាំងទាំងអស់ដើម្បីជំនះពុះពារលើផលវិបាកដោយទឹកជំនន់នៅភាគកណ្តាលវៀតណាម
ឧបនាយករដ្ឋមន្ត្រី លោក Trinh Dinh Dung បានចុះទៅបញ្ជាណែនាំអនុវត្តការងារទប់ទល់ជាមួយភ្លៀងទឹកជំនន់
យោងតាមរបាយការណ៍រហ័ស របស់គណៈកម្មាធិការបញ្ជាណែនាំមជ្ឈឹមទទួលបន្ទុកការងារបង្ការប្រឆាំងគ្រោះមហន្តរាយថា រហូតមកដល់ព្រឹកថ្ងៃទី១៦ ខែតុលា ឆ្នាំ២០១៦ភ្លៀងធ្លាក់ទឹកជំនន់នាប៉ុន្មានថ្ងៃកន្លងទៅនៅខេត្តទាំងអស់ភាគកណ្តាលរួមមាន៖ ខេត្ត Thanh Hoa ខេត្ត Nghe An ខេត្ត Ha Tinh ខេត្ត Quang Binh ខេត្ត Quang Tri និងខេត្ត Thua Thien – Hue បណ្តាលឲ្យមនុស្សចំនួន១៥នាក់ត្រូវស្លាប់ ៩នាក់បាត់ខ្លួន និង១៨នាក់រងរបួស។ ភ្លៀងធ្លាក់និងទឹកជំនន់ក៏បំផ្លាញ់ចោលផ្ទះ៧ខ្នង ហើយផ្ទះជាង១០ម៉ឺនខ្នងទៀត ត្រូវលិចក្នុងទឹក ស្រូវ ដំណាំលើផ្ទៃដីជិត១២ពាន់ហិកតា ក៏រងការខូចខាតច្រើនដែរ។ ផ្លូវគមនាគមន៍ក៏ត្រូវ លិចទឹក និងការបាក់ដីបណ្តាលឱ្យកកស្ទះចរាចរ។ តាមនោះ នារសៀលថ្ងៃទី១៥ខែតុលា ក្រុមការងាររបស់រដ្ឋាភិបាលដឹកនាំដោយឧបនាយករដ្ឋមន្ត្រី លោក Trinh Dinh Dung បានចុះទៅ បញ្ជាណែនាំ អនុវត្តការងារទប់ទល់ជាមួយភ្លៀងទឹកជំនន់នៅខេត្ត Thua Thien-Hue និងខេត្ត Quang Binh។
រួមជាមួយគ្នានោះ ខេត្ត Quang Binh បានចាត់ចែងក្រុមការងារចុះមូលដ្ឋានបញ្ជា ណែនាំផ្ទាល់ការទប់ទល់ជាមួយភ្លៀងទឹកជំនន់។ ខេត្ត Ha Tinh ខេត្ត Quang Tri និង ខេត្ត Nghe An បាននិងកំពុងបញ្ជាណែនាំឲ្យតំបន់នានាអនុវត្តយ៉ាងឆាប់ៗ នូវវិធានការទប់ទល់នឹងភ្លៀងទឹកជំនន់ផងដែរ៕
តាម VOV5 - វិទ្យុសំឡេងវៀតណាម