ក្នុងឱកាសឆ្នាំថ្មីសកល២០១៧ ប្រធានរដ្ឋវៀតណាមលោក Tran Dai Quang បានចែករំលែកជាមួយសារព័ត៌មាននូវការវាយតំលៃអំពីសមិទ្ធិផលនានាក្នុងបុព្វហេតុអភិវឌ្ឍន៍សេដ្ឋកិច្ចសង្គម ធ្វើសមាហរណកម្មអន្តរជាតិក៏ដូចជាអំពីឱកាសនិងការសាកល្បងចំពោះប្រទេសជាតិនិងប្រជាជាតិផងដែរ។ លោកប្រធានរដ្ឋបានសំដែងជំនឿចិត្តចំពោះការស្រុះចិត្តគំនិត ការប្ដេជ្ញាចិត្តរបស់ប្រជាជាតិទាំងមូល ប្រព័ន្ធនយោបាយទាំងមូលក្នុងបុព្វហេតុកសាងនិងអភិវឌ្ឍន៍ប្រទេសជាតិនៅដំណើការខាងមុខ។
វាយតំលៃអំពីសមិទ្ធិនានារបស់ប្រទេសជាតិក្នុងឆ្នាំ២០១៦ ប្រធានរដ្ឋលោក Tran Dai Quang ឲ្យដឹងថា នេះជាឆ្នាំដំបូងដែលវៀតណាមអនុវត្តន៍សេចក្ដីសំរេចចិត្តនៃមហាសន្និបាតលើកទី១២របស់បក្ស។ក្នុងកាលៈទេសៈដែលសេដ្ឋកិច្ចសកលស្ដារឡើងវិញយ៉ាងយឺតយ៉ាវនិងមានបម្រែបម្រួលដ៏ស្មុគស្មាញជាច្រើននោះ ខឿនសេដ្ឋកិច្ចវៀតណាមបានជំនះពុះពារលើការលំបាកធំៗ។ល្បឿនកំណើន GDP ស្ថិតនៅក្នុងក្រុមកំណើនជួរមុខក្នុងតំបន់។សន្តិសុខសង្គមត្រូវបានយកចិត្តទុកដាក់ជាច្រើនថែមទៀត ហើយជីវភាពរស់នៅរបស់ប្រជាជនត្រូវបានកែលំអ។ វៀតណាមបានស្វិតស្វាញតស៊ូការពារយ៉ាងរឹងមាំនូវឯករាជ្យ អធិបតេយ្យភាព បូរណភាពដែនដីរបស់មាតុប្រទេស។
ការងារកសាងបក្សនិងប្រព័ន្ធនយោបាយត្រូវបានយកចិត្តទុកដាក់យ៉ាងខ្លាំង។ទំនាក់ទំនងកិច្ចការបរទេស ការធ្វើសមាហរណកម្មកាន់តែស៊ីជំរៅ មានប្រសិទ្ធភាព រួមចំណែកលើកកំពស់កិត្យានុភាពរបស់វៀតណាមលើឆាកអន្តរជាតិ។ ប្រធានរដ្ឋលោក Tran Dai Quang មានគោលបំណងថា ប្រជាជននៅទូទាំងប្រទេសនិងជនរួមជាតិវៀតណាមនៅឯបរទេសបន្តខំប្រឹងប្រែងក្នុងឋានៈរបស់ខ្លួន ដើម្បីអនុវត្តន៍ប្រកបដោយជោគជ័យនូវគោលដៅនានាដែលបានដាក់ចេញ ព្រមទាំងសាមគ្គីគ្នានាំប្រទេសជាតិកាន់តែសម្បូររុងរឿងពីមួយថ្ងៃទៅមួយថ្ងៃ៕
តាម VOV5 - វិទ្យុសម្លេងវៀតណាម
