ព័ត៌មាន
ប្រធានរដ្ឋ Tran Dai Quang ចូលរួមពិធីរំលឹកខួបលើកទី៧០នៃទិវាប្រពៃណីកម្លាំងសេនាធិការនគរបាលប្រជាជន
ឧត្តមសេនីយ៍ឯក លោក To Lam រដ្ឋមន្ត្រីក្រសួងនគរបាលវៀតណាមថ្លែងមតិក្នុងពិធី (រូបថតៈ cand)
នាព្រឹកថ្ងៃទី១៨ ខែមេសា ឆ្នាំ២០១៦ គណៈកម្មាធិការបក្សនគរបាលមជ្ឈឹម នៃ ក្រសួងនគរបាលវៀតណាមបានរៀបចំពិធីរំលឹកខួបលើកទី៧០នៃទិវាប្រពៃណី កងកម្លាំងសេនាធិការនគរបាលប្រជាជន (ថ្ងៃទី១៨ ខែមេសា)។ នារយៈពេល៧០ឆ្នាំកន្លងទៅ កងកម្លាំងសេនាធិការនគរបាលប្រជាជន បានរីកធំធាត់ពីមួយថ្ងៃទៅមួយថ្ងៃ និងបំពេញល្អរាល់ភារកិច្ច ដែលទទួលបាន រួមចំណែកសំខាន់ចូលក្នុងសមិទ្ធិរួម របស់កម្លាំងនគរបាលប្រជាជន។ ថ្លែងមតិនៅទីនេះ ឧត្តមសេនីយ៍ឯក លោក To Lam រដ្ឋមន្ត្រីក្រសួងនគរបាលវៀតណាម បានសំណូមពរកងកម្លាំង សេនាធិការនគរបាលប្រជាជនប្រមូលផ្តុំ ធ្វើសេនាធិការជាមួយគណៈកម្មាធិការបក្សនគរបាលមជ្ឈឹម ក្រសួងនគរបាល ថ្នាក់ដឹកនាំនគរបាលគ្រប់ជាន់ថ្នាក់ផ្សព្វផ្សាយ ផែនការសកម្មភាព សំដៅអនុវត្តសេចក្តីសម្រេចចិត្តរបស់មហាសន្និបាត បក្សទូទាំងប្រទេសលើកទី១២ និងក្រមច្បាប់នានាដែលបានរដ្ឋសភា នីតិកាលទី១៣អនុម័តដែលទាក់ទិនដល់ការងារធានាសន្តិសុខសណ្តាប់ធ្នាប់ ផងដែរ៕
តាម VOV5 – វិទ្យុសម្លេងវៀតណាម
