21/03/2019 12:38 GMT+7 Email Print Like 0

បើកវេទិកាយុវជនគ្រប់គ្រងអ៊ិនធឺណេតវៀតណាមជាលើកដំបូង


 វេទិកាយុវជនគ្រប់គ្រងអ៊ិនធឺណេតវៀតណាមជាលើកដំបូង (រូបថត ICT NEWS)
 

 នាព្រឹក​ថ្ងៃទី២០ ខែមីនា ឆ្នាំ​២០១៩ នៅទីក្រុងហាណូយ មជ្ឈមណ្ឌលបច្ចេកវិទ្យាព័ត៌មាន ផ្សព្វផ្សាយ Vietnet (Vietnet - ICT) បានរួមសហការជាមួយគណៈកម្មាធិការប្រជាជនទីក្រុងហាណូយ និងស្ថានទូតស៊ុយ​អែត​ប្រចាំ​នៅ​វៀត​ណាម​រៀបចំវេទិកាយុវជនគ្រប់គ្រងអ៊ិនធឺណេតវៀតណាម (​YIGF វៀតណាម) ។

នេះគឺ​ជាលើកដំបូងហើយ ដែល YIGF ត្រូវបានរៀបចំឡើងនៅវៀតណាម ហើយ​ជា​ព្រឹត្តិការណ៍​ក្រៅក្រប​ខ័ណ្ឌ​នៃ​វេទិកា​ អ៊ីនធឺណែតវៀតណាម (VIF) ។

វេទិកា​នេះ​មានគោលបំណង លើកកម្ពស់ការយល់ដឹងរបស់យុវវ័យអំពីការ គ្រប់ គ្រងអ៊ិនធឺណិត ព្រម​ទាំង​លើក​ទឹក​ចិត្ត​ដល់យុវេវ័យឲ្យចូលរួមយ៉ាងសកម្មថែមទៀតទៅក្នុងដំណើរការពិគ្រោះយោបល់អំពីគោលនយោបាយ។

ក្នុង​ឱកាស​នេះ បានប្រព្រឹត្តិទៅពិធីបង្ហាញក្រុមយុវជនឈានមុខគ្រប់គ្រងអ៊ិនធឺ​ណេតនៅវៀតណាម ដោយ​មាន​​សមាជិកចំនួន ១៤ នាក់។ ប្អូន Ngo Minh Anh និស្សិតមួយរូបនៃមហាវិ​ទ្យាល័យសេដ្ឋកិច្ចជាតិ ប្រធាន​ក្រុម​យុវជន​ឈានមុខវៀតណាមបានឲ្យដឹងថា៖

“គោល​ការណ៍ធ្វើសកម្មភាពរបស់ប្អូនៗគឺ Digital focus។ ហេតុដូច្នេះហើយ ប្អូន​ៗ​នឹង​ខិត​ខំប្រឹង​ប្រែង​កសាង​ពិភព​ឌីជីថល​មួយ ដែលជាពិភពមួយនៅលើអ៊ីនធឺណេត​ប្រកបដោយសុវត្ថិភាព ប្រសិទ្ធ​ភាព និងល្អប្រសើ​រ។ ប្អូនៗ​នឹង​កសាងប្រការទាំងនេះតាមរយៈបែ​បផែនអនឡាញ និង off​line។ ចំពោះ off​line ប្អូនៗ​នឹង​រៀប​ចំ​សិក្ខា​សាលា ​ហើយចំណែកអនឡាញវិញ ប្អូនៗនឹងជំរុញការផ្ស​ព្វផ្សាយតាមរយៈបណ្ដាញសង្គមដូចជា​ f​​​​acebook និង​ instagram ជា​ដើម”៕

 

តាម VOV5 - វិទ្យុសំឡេង​វៀតណាម
 

បណ្តាព័ត៌មានបានផ្សាយ