06/12/2019 11:05 GMT+7 Email Print Like 0

បើកទិវាចាប់ផ្តើមអាជីវកម្មច្នៃប្រឌិតថ្មី (Techfest Viet Nam) ដ៏ធំបំផុតនៃឆ្នាំ ២០១៩


 ទិដ្ឋភាពនៃពិធីបើកព្រឹត្តិការណ៍ 
 

ពិធីបើក​ទិវាចាប់ផ្តើមអាជីវកម្មច្នៃប្រឌិតថ្មី (Techfest Viet Nam) ដ៏ធំបំផុតនៃឆ្នាំ ២០១៩ បានប្រារព្ធធ្វើឡើង នាយប់​ថ្ងៃទី​៤ ខែធ្នូ ឆ្នាំ២០១៩ នៅទីក្រុង Ha Long។ ព្រឹត្តិការណ៍​នេះបានរៀប​ចំឡើង​ដោយ​ក្រសួង​វិទ្យាសាស្ត្រ និង​បច្ចេកវិទ្យា ​រួមសហការជាមួយគណៈកម្មាធិការប្រជា ជនខេត្ត Quang Ninh។
 
ចំណុចលេ​ចធ្លោនៃ Techfest នៅឆ្នាំនេះ គឺមានការចូលរួមពីវិនិយោគិនមួយចំនួនធំ មូលនិ​ធិ​វិនិយោគ​បរទេស​និង​អ្នកជំនាញអន្តរជាតិយ៉ាងច្រើនកុះករ។ ជាមួយនឹងការតំរង់ទិសសំខាន់នៃប្រធានបទ “ប្រមូល​ផ្តុំ​ប្រភព​​ធនធានមនុស្ស” នោះ ព្រឹត្តិការណ៍នេះ មានគោលបំណង ក្លាយទៅជាមូលដ្ឋានគ្រឹះ ដើម្បី​តភ្ជាប់​ទំនាក់​ទំនង​និង​អភិវឌ្ឍន៍
 
បណ្តាញចែករំលែក រវាងសមាស​ធាតុនៃ​អេកូឡូ​ស៊ីច្នៃ​ប្រឌិត​ថ្មី​របស់​វៀត​ណាម​និងប្រព័ន្ធ​អេកូឡូស៊ី​ចាប់​ផ្តើម​អាជីវកម្ម​ថ្មី​បំផុត។ ជាពិសេស ជាការតភ្ជាប់ការវិនិយោគ ពីមូលនីធិវិនិយោគផ្សងព្រេង  វិនិយោគិននានា និងអង្គភាព​អាជីវកម្មក្នុងស្រុកនិងអន្តរជាតិ ចំពោះការចាប់ផ្ដើមអាជីវកម្មប្រកបដោយភាពច្នៃប្រឌិត។ អញ្ជើញ​ថ្លែងមតិនៅទីនេះ ឧបនាយករដ្ឋមន្ត្រី លោក Vu Duc Dam បានអះអាងថា៖ “ភាព​ជោគ​ជ័យ​ដំបូង​នៃ​សហគ្រាស​ចាប់ផ្តើមអាជីវកម្មប្រកបដោយភាពច្នៃប្រឌិតនៅ វៀតណាម គឺមិនត្រឹមតែ​ជាការ​រួម​ចំណែក​ដោយ​ផ្ទាល់​ ទៅលើកំណើនសេដ្ឋកិច្ចប៉ុណ្ណោះទេ ហើយអ្វីៗ ដែលសំខាន់ជាងនេះទៅទៀតនោះ  គឺស្មារតី​ចាប់​ផ្តើម​អាជីវកម្ម​ ត្រូវបានដិតជាប់ជាមួយនឹងបរិធានរដ្ឋាភិបាលគ្រប់ជាន់ថ្នាក់និងសង្គមទាំងមូល។ ប្រសិនបើ យើងត្រៀម​ខ្លួនជាស្រេច ដាក់ចេញនូវគំនិតថ្មីៗ ហើយរួមគ្នាលើកទឹកចិត្តនូវគំនិតនោះ ព្រមទាំងរួមដៃ​ជាមួយ​គ្នា ​ពិតណាស់​ថា គំនិតទាំងអស់នេះ នឹងទទួលបានជោគជ័យជាមិនខាន”។
 
ដោយបានប្រ​ព្រឹត្តទៅក្នុងរយៈពេល ៣ ថ្ងៃ ពោលគឺចាប់ពីថ្ងៃទី ៤ ដល់ថ្ងៃទី ៦ ខែធ្នូព្រឹត្តិការណ៍ Techfest Vietnam 2019 ត្រូវបានគេរំពឹងថា នឹងក្លាយជា​កន្លែងតភ្ជាប់​និង​ជំរុញ​អន្តរកម្ម​នៃការ​ចាប់​ផ្តើម​អាជីវកម្ម​របស់​សហគ្រាសសក្កានុពលយ៉ាងហោចណាស់ ២៥០ និងវិនិយោគិនក្នុងស្រុកនិងអន្តរជាតិជិតចំនួន ២០០ នាក់​ រួមទាំង សហគ្រាសធំៗ ចំនួន ១៥០ ក៏ដូចជាក្រុម​សេដ្ឋកិច្ច​និង​អង្គការ​ជួយ​ឧបត្ថម្ភ​ការចាប់​ផ្តើម​អាជីវកម្ម​ផង​ដែរ៕​

 

តាម​ VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ