14/02/2019 09:52 GMT+7 Email Print Like 0

នាយករដ្ឋមន្ត្រីកម្ពុជា សម្តេចតេជោ ហ៊ុនសែន បានរិះគន់ចំពោះការជ្រៀតជ្រែករបស់សហភាពអឺរ៉ុប

សម្តេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី ១២ ខែកុម្ភៈ ឆ្នាំ២០១៩ បានលើកឡើងការជំទាស់ចំពោះការជ្រៀតជ្រែកចូលកិច្ចការផ្ទៃក្នុងរបស់ប្រទេសខ្លួន។ នេះគឺជាប្រតិកម្មដំបូងរបស់ប្រមុខ រាជរដ្ឋាភិបាលកម្ពុជា ចាប់តាំងពីសហភាពអឺរ៉ុប បើកដំណើរការនីតិវិធីជាផ្លូវការសម្រាប់ការដកជាបណ្តោះអាសន្ននូវ​ប្រព័ន្ធអនុគ្រោះគ្រប់មុខទំនិញទាំងអស់លើកលែងគ្រឿងសព្វាវុធ (EBA) ពីកម្ពុជា។

នាយករដ្ឋមន្ត្រីកម្ពុជា សម្តេច តេជោ ហ៊ុនសែន (រូបថតៈ TTXVN)

លោកនាយករដ្ឋមន្រ្តីហ៊ុនសែនបានសង្កត់ធ្ងន់ថា ប្រទេសកម្ពុជាមិនអាចរំពឹងលើជំនួយបរទេសតែមួយមុខទេ ហើយកម្ពុជាក៏មិនត្រូវយកឯករាជ្យភាព និងអធិបតេយ្យភាពរបស់ខ្លួនទៅដោះដូរជាថ្នូរនឹងអ្វីមួយនោះដែរ។
ប៉ុន្តែយើងចង់ធ្វើជាមិត្តល្អជាមួយបណ្តាប្រទេសដៃគូនានាដែលចង់ឃើញកម្ពុជាកាន់តែរីកចម្រើនទៅមុខពិតប្រាកដ​ដោយគ្មានការជ្រៀតជ្រែកកិច្ចការផ្ទៃក្នុងប្រទេសជាតិ»។ សម្តេចតេជោ បានគូសបញ្ជាក់យ៉ាងដូច្នេះ។

មុននេះមួយថ្ងៃ សហភាពអឺរ៉ុបបានប្រកាសថា នឹងចាប់ផ្ដើមដំណើរការត្រួតពិនិត្យដើម្បីសម្រេចការដកប្រទេស​កម្ពុជា​ចេញពីកម្មវិធី EBA ។ EBA គឺជាកម្មវិធីអនុគ្រោះមួយ ដែលសហភាពអឺរ៉ុបផ្តល់ឱ្យបណ្តាប្រទេសដែលមានការអភិវឌ្ឍតិចតួចនៅក្នុងពិភពលោក ក្នុងនោះមានកម្ពុជា។ ហេតុដូច្នេះ សេចក្តីសម្រេចចិត្តនេះអាចជះឥទ្ធិពល​យ៉ាងខ្លាំងទៅលើឧស្សាហកម្មវាយនភណ្ឌនិងស្បែកជើង ដែលជាវិស័យសេដ្ឋកិច្ចដ៏រឹងមាំរបស់ប្រទេស​កម្ពុជា​ និងមានតម្លៃនាំចេញទៅកាន់សហភាពអឺរ៉ុបរហូតដល់ ៤ ពាន់ លានដុល្លារអាមេរិកតែម្តង៕

 

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ