នាយករដ្ឋមន្ត្រីលោក Nguyen Xuan Phuc  ចូលរួមពិធីរំលឹកខួបអនុស្សាវរីយ៍លើកទិ២៥ ទិវាបង្កើតខេត្ត Soc Trang

ពិធីរំលឹកខួបអនុស្សាវរីយ៍លើកទី២៥ទិវាបង្កើតខេត្ត Soc Trang ត្រូវបាន​ប្រព្រឹត្ត​ទៅ​នាយប់​ថ្ងៃទី២២ ខែមេសា ឆ្នាំ​២០១៧ ​នៅទីក្រុង Soc Trang (ភាគខាង​ត្បូងវៀត​ណាម) ដោយមានការចូលរួមរបស់នាយករដ្ឋមន្ត្រី លោក Nguyen Xuan Phuc រួមជាមួយថ្នាក់ដឹកនាំក្រសួង ស្ថាប័ន និងប្រជាជន​ជាច្រើនកុះករ។ ថ្លែងមតិ​នៅទីនេះ នាយក​​រដ្ឋមន្ត្រី លោក Nguyen Xuan Phuc បានសង្កត់​ធ្ងន់ថា៖ ខេត្តមានប្រពៃណីបដិវត្តន៍ដ៏អង់អាចក្លាហាន ក្រោយ​​​​រយៈ​ពេល២៥​ឆ្នាំកសាង​និងអភិវឌ្ឍន៍ ខេត្ត Soc Trang ទទួលបានសមិទ្ធផលជាច្រើន លើ​គ្រប់​វិស័យ​។ ប៉ុន្តែ ដើម្បី​សម្រេចគោលដៅដែលខេត្តបានដាក់ចេញគឺដល់ឆ្នាំ ២០២០ ក្លាយទៅជាខេត្តអភិវឌ្ឍន៍ខ្លាំង ក្នុង​តំបន់​​​វាល​សណ្តរ​ទន្លេ Cuu Long នាយក​រដ្ឋមន្ត្រី​ លោក Nguyen Xuan Phuc បានស្នើថា៖ “ ខេត្តត្រូវ​ពិនិត្យ​ឡើង​វិញការ​​​ងាររៀប​ចំផែនការអភិវឌ្ឍន៍ ដែលក្នុងនោះ​ប្រមូលផ្តុំទៅ​លើការ​វិនិយោគ​គំរោងការណ៍ ហេដ្ឋា​រចនា​សម្ព័ន្ធ​ ជំរុញ​ថែម​ទៀត​ការតភ្ជាប់ជាមួយខេត្ត ទីក្រុង​ផ្សេងៗ ជាពិសេស​គឺក្នុង​តំបន់​វាលសណ្ត​ទន្លេ Cuu Long ដើម្បី​​រួម​គ្នា​​អភិវឌ្ឍន៍​​៕”

តាម VOV5 - ​វិទ្យុសំឡេង​វៀតណាម​