06/05/2019 11:03 GMT+7 Email Print Like 0

ធ្វើសកម្មភាពល្អស្អាតដើម្បីបរិស្ថានដែលគ្មានកាកសំណល់


 យុវជនវៀតណាមទាំងអស់គ្នា រួមដៃគ្នាធ្វើសកម្មភាពល្អ ដើម្បីបរិស្ថានគ្មានកាកសំណល់
 

 នាថ្ងៃទី៥ ខែឧសភា ឆ្នាំ​២០១៩ នៅទីក្រុងហាណូយ មជ្ឈមណ្ឌលស្ម័គ្រចិត្តជាតិ (ចំណុះ​មជ្ឈិម​សម្ព័ន្ធ​យុវជន​កុម្មុយ​និស្តហូជីមិញ) បានរួមសហការជាមួយក្រសួងធន ធាននិងបរិស្ថាន និងមជ្ឈមណ្ឌលព័ត៌មាន VTV24 និងក្រុម​ហ៊ុន PSC Media រៀបចំកម្មវិធីមួយក្រោមប្រធានបទ “លក្ខណៈ​ល្អឥត​ខ្ចោះ​មួយ​ដើម្បី​បរិស្ថាន​ដែល​គ្មាន​កាក​សំណល់” ដោយមានការចូលរួមពីសមាជិកនៃសម្ព័ន្ធយុវជន និងប្រជាជនទីក្រុងហាណូយ ជិត ២០០០ នាក់។
 
ចំណុច​លេចធ្លោនៃកម្មវិធីនេះគឺក្បួនដង្ហែររបស់បុគ្គលិកអនាម័យបរិស្ថានចំនួន ២០ នាក់ ជាមួយនឹងសារ “មាតុ​ប្រទេស​វៀតណាមពណ៌ខៀវស្រងាត់អាចនឹងស្អាតស្អំជារៀងរហូតបានដែរឬទេ។ ប្រការនេះ​គឺអាស្រ័យ​លើសកម្ម​ភាព​របស់លោកអអ្នក អាស្រ័យលើលោកអ្នកតែប៉ុណ្ណោះ” និងកម្មវិធីបង្ហាញម៉ូដ​សំលៀក​បំពាក់​ពិសេស​ដែលសម្តែង​ដោយបវរកញ្ញា និងអ្នកបង្ហាញម៉ូដ ជាង២​០នាក់ ហាក់ដូច​ជាបាន​លើក​ទឹកចិត្ត​ដល់​អ្នក​ចូល​រួម​ផងដែ​រ។ លោកស្រី Do Thi Kim Hoa នាយកមជ្ឈមណ្ឌលស្ម័គ្រចិត្តជាតិ បានមានប្រសាសន៍ថា៖  “សម្រាប់កម្ម​វិធីឆ្នាំនេះ យើងចង់ផ្សព្វផ្សាយសារដ៏មានអត្ថន័យមួយ ដល់សហគមន៍ថា ការមានចិត្តសប្បុរស ធ្វើអំពើល្អ​ គឺមិនមែនជាសកម្មភាពដែលហួសហេតុពេកនោះទេ វាគ្រាន់តែជា​សកម្មភាព​ដែល​យើ​ង​អាច​ធ្វើរាល់​ថ្ងៃដើ​ម្បីការពារបរិស្ថានប៉ុណ្ណោះ។ មិត្តយុវជនទាំងអស់គ្នាឬប្រជាជន អាចមានចិត្តធ្វើ​សកម្មភាព​ល្អចំពោះ​បរិស្ថានជារៀងរាល់ថ្ងៃ តាមរយៈការមិនបោះចោលសំរាមផ្តេសផ្តាស ប្រមូល​សំរាម​នៅ​កន្លែង​ដែល​ត្រឹម​ត្រូវ​ និងបែងចែកប្រភេទសំរាម ជាពិសេសគឺយើងប្រើផលិតផលដែលស្និទ្ធស្នាល ជាមួយបរិស្ថានផងដែរ”។
 
បន្ទាប់​ពីការបំផុសទិវាធ្វើសកម្មភាពល្អបរិស្ថាន សមាជិកសម្ព័ន្ធយុវជននិងប្រជាជនជាង ១០០០ នាក់ ក៏បាន​ចូល​រួម​ការដង្ហែក្បួន តាមវិថីដើរថ្មើរជើង ដើម្បីផ្សព្វផ្សាយអំពីការការពារបរិស្ថាន ក៏ដូចជា​ប្រមូល​សំរាម​នៅ​ជុំវិញ​បឹង Hoan Kiem ផងដែរ។ ទន្ទឹមជាមួយគ្នានោះ គឺឃោស​នា​ឲ្យបោះចោល​សំរាមនៅ​ទីកន្លែង​ដែលបាន​កំណត់​ និងចែក ថង់ប្រើប្រាស់ទៅផ្សារច្រើនដងសម្រាប់ប្រ​ជាជ​ន៕

 

តាម VOV5 - វិទ្យុសំឡេងវៀតណាម
 

បណ្តាព័ត៌មានបានផ្សាយ