ទីក្រុងហូជីមិញស្នើឲ្យ UNESCO ទទួលស្គាល់តំបន់ផ្លូវរូងក្រោមដី Cu Chi ជាបេតិកភ័ណ្ឌពិភពលោក (VOV)
 

ទីក្រុងហូជីមិញ (ភាគខាងត្បូងវៀតណាម) កំពុងរៀប​ចំ​សំណូរ​ឯកសារ​ដើម្បី​ស្នើឲ្យអង្គ​ការ​អប់រំ​វិទ្យាសាស្ត្រ​និង​វប្បធម៌​ អ.ស.ប. (UNESCO) ទទួលស្គាល់តំបន់ផ្លូវរូងក្រោមដី​ Cu Chi ជាបេតិភ័ណ្ឌពិភពលោ​ក។ គណៈប្រតិភូ​ប្រជាជន​ទីក្រុងហូជីមិញ បាន​ប្រគល់​ឲ្យនាយកដ្ឋាន​កិច្ចការ​បរទេស​ទីក្រុង​ហូជីមិញ​ដើម្បី​ស្នើសុំ​មតិ​យោបល់​របស់​ក្រសួ​ងការបរទេសវៀតណាមអំពីបញ្ហានេះ។ ទន្ទឹមនឹងនោះ ​ទីក្រុងហូជីមិញ​ក៏បាន​ប្រគល់ឲ្យ​នាយកដ្ឋាន​វប្បធម៌​និង​កីឡាអនុវត្តបណ្ដាបែបបទពាក់ព័ន្ធនានា។ ប្រសិន​បើតំបន់ផ្លូវរូងក្រោម​ដី Cu Chi ត្រូវបា​នទទួល​ស្គាល់​ជាបេតិក​ភ័ណ្ឌពិភពលោក នោះគឺទីក្រុងហូជីមិញនឹ​ងទទួលបានលក្ខណៈងាយស្រួល ​ក្នុងការ​ទាក់​ទាញ​ទុន​វិនិយោគ​ដើម្បីទាក់​ទាញភ្ញៀវទេសច​រមកទស្សនា​នៅទីនេះ៕ ​
 

តាម VOV5 - វិទ្យុសំឡេងវៀតណាម​