ទិវាវប្បធម៌វៀតណាមនៅសាធារណរដ្ឋអូទ្រីស
ទិវាវប្បធម៌វៀតណាមនៅសាធារណរដ្ឋអូទ្រីសបានប្រព្រឹត្តិទៅនាថ្ងៃទី ៣ ខែកក្ដដា ឆ្នាំ២០១៧ នៅក្រុងវីយែន(ប្រទេសអូទ្រីស)។ អញ្ជើញថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំនៅអូទ្រីស លោក Vu Viet Anh បានសង្កត់ធ្ងន់ថា ក្នុងរយៈពេល ៤៥ ឆ្នាំកន្លងទៅ ទំនាក់ទំនងមិត្តភាពរវាង វៀតណាម - អូទ្រីសមានការអភិវឌ្ឍន៍ដោយឥតឈប់ឈរនិងទទួលបានសមិទ្ធិផលដ៏ល្អប្រសើរជាច្រើន ជាពិសេសលើវិស័យសេដ្ឋកិច្ច ពាណិជ្ជកម្ម។ អូទ្រីសបានក្លាយជាដៃគូពាណិជ្ជកម្មធំរៀបចំណាត់ថ្នាក់ទី ៥ របស់វៀតណាមក្នុងសហភាពអឺរ៉ុប (EU) ដោយមានទំហំពាណិជ្ជកម្មទ្វេភាគីគឺ ៣ ពាន់លានដុល្លារអាមេរិកក្នុងឆ្នាំ ២០១៦។
អនុរដ្ឋមន្ត្រីក្រសួងវប្បធម៌ កីឡា និងទេសចរណ៍វៀតណាម លោក Le Khanh Hai ឯកអគ្គរដ្ឋទូត លោក Vu Viet Anh អនុប្រធានរដ្ឋសភាអូទ្រីសលោកស្រី Ingrid Winkler និងប្រធានគណៈកម្មាធិការកិច្ចការបរទេសនៃរដ្ឋសភាអូទ្រីស លោក Josef Cap បានអញ្ជើញកាត់ខ្សែបូរសម្ពោធការតាំងពិព័រណ៍ដោយមានរូបថតជិត ៣០០ ផ្ទាំងក្រោមចំណងជើងថា" វៀតណាម - ទីមកដល់របស់ពិភពលោក ២០១៧" តាមប្រធានបទដូចជា៖ ទំនាក់ទំនងវៀតណាម - អូទ្រីសតាមជ្រុងមួយ បេតិកភ័ណ្ឌពិភពលោកនៅវៀតណាម មហោស្រពវៀតណាមជាដើម។
ចំណុចលេចធ្លោក្នុងការតាំងពិព័រណ៍នេះគឺក្រុមរូបថតសោភ័ណភាពកោះសមុទ្រវៀតណាម ដោយមានរូបថតយ៉ាងរស់រវើកស្ដីពីជីវភាពរស់នៅរបស់យុទ្ធជននិងប្រជាជនវៀតណាមនៅប្រជុំកោះ Truong Sa កោះ Ly Son កោះPhu Quoc ជាដើម។ ក្រុមរូបថត សោភ័ណភាពកោះសមុទ្រវៀតណាមរួមទាំងឯកសារស្ដីពីប្រជុំកោះ Hoang Sa និងTruong Sa ទាក់ទាញបានការយកចិត្តទុកដាក់របស់អ្នកចូលរួម៕
តាម VOV5 - វិទ្យុសម្លេងវៀតណាម
