ចំការដើមកាហ្វេមួយនៅខេត្ត Dak Nong
ទិវាកាហ្វេវៀតណាមលើកទី២ ក្រោមប្រធានបទ «អភិវឌ្ឍន៍កាហ្វេវៀតណាម តាមទិសប្រកបដោយចីរភាព» នឹងប្រព្រឹត្តទៅនៅទីរួមខេត្ត Gia Nghia ខេត្ត Dak Nong ចាប់ពីថ្ងៃទី៩ដល់ថ្ងៃទី១១ ខែធ្នូ ឆ្នាំ២០១៨។
ព្រឹត្តិការណ៍នេះរួមមានសកម្មភាពជាច្រើនសំដៅផ្សព្វផ្សាយពាណិជ្ជសញ្ញា ផលិតផល និងលើកកំពស់សមត្ថភាពប្រកួតប្រជែងក្នុងវិស័យកាហ្វេដូចជា បរិយាកាសតាំងបង្ហាញ ការឧទ្ទេសនាមផលិតផលកាហ្វេដែលមានគុណភាពខ្ពស់ មកពីតំបន់ដាំដុះកាហ្វេដ៏ល្បីឈ្មោះនៅទូទាំងប្រទេសជាដើម។
នាថ្ងៃទី២៨ ខែវិច្ឆិកា ឆ្នាំ២០១៨ នៅខេត្ត Dak Nong អនុប្រធានគណៈកម្មាធិការប្រជាជនខេត្ត Dak Nong និងជាប្រធានគណៈរៀបចំទិវាកាហ្វេវៀត ណាមលើកទី២ លោក Truong Thanh Tung បានឲ្យដឹងថា៖ « ទិវាកាហ្វេវៀតណាម លើកទី២ត្រូវបានរៀបចំឡើងនៅខេត្ត Dak Nong ហើយនេះគឺជាឱកាសល្អសំរាប់ខេត្តបន្តឧទ្ទេសនាមអំពីមនុស្ស លក្ខណៈធម្ម ជាតិ និងសក្តានុភាពដែលមានប្រៀងខ្លាំង និងយន្តការគោលនយោបាយអនុគ្រោះសំរាប់ តំបន់មូលដ្ឋាន អង្គការ បុគ្គល និងសហគ្រាសនានានៅទូទាំងប្រទេសវៀតណាម។ ក្នុងឱកាសនេះ ខេត្ត Dak Nong បានត្រៀមខ្លួនជាស្រេច ក៏ដូចជា បង្កលក្ខណៈងាយស្រួលសំរាប់វិនិយោគិនមកសហការ និងវិនិយោគផលិតកម្ម ដើម្បីសាងសង់ខ្សែសង្វាក់ផ្គត់ផ្គង់តម្លៃសំរាប់យដើមឈើគ្រប់ប្រភេទ និង កសិផលជាស្នូលរបស់ខេត្ត Dak Nong និយាយរួម និងដើមកាហ្វេនិយាយដោយឡែកផងដែរ»៕
តាម VOV5 - វិទ្យុសំឡេងវៀតណាម