• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជនបរទេសរំភើបចិត្តជាមួយបរិយាកាសទទួលបុណ្យចូលឆ្នាំថ្មីប្រពៃណីនៅវៀតណាម

នៅពេលបុណ្យចូលឆ្នាំថ្មីប្រពៃណីមកដល់ម្ដងៗ គឺគ្រប់ទិសទីលើទូទាំងប្រទេសវៀតណាមសុទ្ធតែត្រូវបានតុបតែងចម្រុះពណ៌ដោយផ្កាម៉ាកខៃ ផ្កា អង្គារសីល និងដើមឃ្វិត។

មិនត្រឹមតែប្រជាជនវៀតណាមប៉ុណ្ណោះទេ ថែមទាំង ជនបរទេសជាច្រើននាក់ដែលកំពុងរស់នៅ ធ្វើការនៅទីនេះ ក៏សុទ្ធតែមានការ ចាប់អារម្មណ៍ចំពោះបុណ្យចូលឆ្នាំថ្មីប្រពៃណីកំពុងមកដល់ទៀតផង។

Sofia Kukkonen ជាវិចិត្រការិនីទេពកោសល្យមួយរូប ក្នុងចំណោមវិចិត្រករសម័យកាលឆ្នើមបំផុតទាំង១០រូបរបស់ប្រទេសហ្វាំងឡង់ បានចែករំលែកថា នេះជាលើកដំបូងដែលគាត់ទទួលបុណ្យ Tet នៅវៀតណាម ហើយ គាត់មានការ​ចាប់អារម្មណ៍យ៉ាងខ្លាំងចំពោះបរិយាកាស ប្រញាប់ប្រញាល់របស់ប្រជាជនវៀតណាមដែលត្រឡប់មកស្រុកកំណើត​ ដើម្បីជួបជុំគ្នាជាមួយក្រុមគ្រួសារ។

“បុណ្យ Tet ជាពេលវេលាដែលខ្ញុំបានបរិភោគនូវម្ហូបអាហារប្រពៃណីរបស់វៀតណាម ជាពិសេសគឺនំអន្សម។ ខ្ញុំចូលចិត្តអត្ថន័យរបស់រឿងនិទានស្ដីពី នំអន្សមវៀតណាមយ៉ាងខ្លាំងណាស់”។ នេះជាការសំណេះសំណាលរបស់លោក Bobby Webber សញ្ជាតិអូស្ត្រាលី។ លោករូបនេះបានធ្វើការនៅវៀតណាម ក្នុងរយៈពេល ៣​ ​ឆ្នាំ និងទទួលបុណ្យ Tet វៀតណាមបាន ២ ដងហើយ។ លោកឲ្យដឹងថា ក្នុងប៉ុន្មានថ្ងៃនេះ ពេលចុះទៅវិថី លោកបានឃើញបរិយាកាសសប្បាយ អ៊ូអររបស់ជនវៀតណាម ដោយសារមនុស្សគ្រប់រូបសុទ្ធតែទៅទិញខោអាវថ្មី ម្ហូប អាហារប្រពៃណី និង​បោស​សម្អាត តុបតែងផ្ទះសម្បែងរបស់ខ្លួនដែរ៕

តាម VOV5 - វិទ្យុសម្លេងវៀតណាម

នាយករដ្ឋមន្ត្រីលោក ហ្វាម មិញជីញ៖ ការអភិវឌ្ឍហេដ្ឋារចនាសម្ព័ន្ធភស្តុភារកម្ម បៃតង ឌីជីថល ឆ្លាតវៃ

នាយករដ្ឋមន្ត្រីលោក ហ្វាម មិញជីញ៖ ការអភិវឌ្ឍហេដ្ឋារចនាសម្ព័ន្ធភស្តុភារកម្ម "បៃតង" "ឌីជីថល" "ឆ្លាតវៃ"

នៅព្រឹកថ្ងៃទី២៩ ខែវិច្ឆិកា ឆ្នាំ២០២៥ នៅទីក្រុងដាណាំង អញ្ជើញចូលរួមក្នុងវេទិកាភស្តុភារកម្មវៀតណាម ឆ្នាំ២០២៥ ក្រោមប្រធានបទ "ភស្តុភារកម្មវៀតណាម - ស្ទុះឈានចូលយុគសម័យថ្មី" លោកនាយករដ្ឋមន្ត្រី ហ្វាម មីញជីញ មានបំណងចង់ឲ្យសហគមន៍អាជីវកម្មភស្តុភារកម្មនឹងបន្តច្នៃប្រឌិតអភិបាលកិច្ច តភ្ជាប់ខ្សែសង្វាក់ លើកកម្ពស់ការផ្លាស់ប្តូរឌីជីថល ការផ្លាស់ប្តូរបៃតង ព្រមទាំងលើកកម្ពស់ស្មារតី "ពឹងផ្អែកលើខ្លួនឯង នវានុវត្តន៍ ច្នៃប្រឌិត សាមគ្គីភាព កិច្ចសហប្រតិបត្តិការ" ដើម្បីឆ្ពោះឈានដល់តំបន់ និងពិភពលោក។ វេទិកានេះ ដោយមានអ្នកចូលរួមពីប្រតិភូទាំងជាតិនិងអន្តរជាតិជាង ៥០០នាក់។

Top