កើតមានសញ្ញាជាច្រើនដែលបន្ធូរភាពតានតឹងរវាងប៉ាគីស្ថាននិងឥណ្ឌា
រដ្ឋមន្រ្តីការបរទេសប៉ាគីស្ថានលោក Shah Mahmood Qureshi (រូបថត៖ AFP/TTXVN)
រដ្ឋមន្រ្តីការបរទេសប៉ាគីស្ថានលោក Shah Mahmood Qureshi កាលពី ថ្ងៃទី២ ខែមីនា ឆ្នាំ២០១៩ បានប្រកាសថា បញ្ហានានារវាងប្រទេសនេះនិងឥណ្ឌា ចាំបាច់ ត្រូវបានដោះស្រាយតាមរយៈផ្លូវការទូតនិងកិច្ចសន្ទនា។ លោកបានសង្កត់ធ្ងន់ថា សន្តិភាពគឺជាអាទិភាពរបស់ប៉ាគីស្ថាន ហើយប្រទេសនេះមិនមានបំណងចង់ ប្រយុទ្ធជាមួយឥណ្ឌាឡើយ។
នាថ្ងៃនេះដែរ រដ្ឋមន្រ្តីក្រសួងផ្លូវដែកប៉ាគីស្ថានលោក Sheikh Rashid Ahmed ក៏បានជម្រាបថា នឹងតភ្ជាប់ឡើងវិញនូវសកម្មភាពដឹកជញ្ជូនតាមផ្លូវដែក រវាងប្រទេសនេះជាមួយឥណ្ឌា។ នេះត្រូវបានចាត់ទុកថា ជាកាយវិកាសុឆន្ទៈ របស់ Islamabad សំដៅបន្ធូរភាពតានតឹងជាមួយញូវដេលី។
នាថ្ងៃទី២ ខែមីនា ដដែល រដ្ឋមន្រ្តីក្រសួងមហាផ្ទៃឥណ្ឌាលោក Rajnath Singh បានអះអាងថា ឥណ្ឌាត្រៀមខ្លួនជាស្រេចជួយឧបត្ថម្ភប៉ាគីស្ថានក្នុងការ ទប់ទល់នឹងការគំរាមកំហែងពីភេរវករនៅក្នុងប្រទេសនេះតែម្ដង៕
តាម VOV5 - វិទ្យុសំឡេងវៀតណាម