ការរញ្ជួយដីនៅជប៉ុន៖ ជនរងគ្រោះដែលត្រូវស្លាប់បានកើនឡើងដល់ ៤១ នាក់ (Image: VNA)
ការរញ្ជួយដីចំនួន ២ លើកបានកើតមានឡើងជាបន្តបន្ទាប់ ក្នុងរយៈពេល៣ ថ្ងៃនៅកោះ Kyushu ប៉ែកនីរតីជប៉ុនដែលបានបណ្តាការបាត់បង់ដ៏ធ្ងន់ធ្ងរខាងអាយុជីវិតមនុស្ស និងសម្ភារៈចំពោះខេត្ត Kyushu និងខេត្ត Kumamoto។ មជ្ឈដ្ឋានមន្ត្រីជប៉ុនបានឲ្យដឹងថា៖ ការរញ្ជួយដីទាំងនេះបានធ្វើឲ្យមនុស្សចំនួន ៤១ នាក់ ត្រូវស្លាប់ ១០០០ នាក់រងរបួងនិង ៩ សែននាក់ត្រូវភៀសខ្លួនផ្ទះចំនួន ១៧០០ ខ្នងត្រូវបានបំផ្លិចបំផ្លាញ។ ប្រធានខុទ្ទកាល័យគណៈរដ្ឋមន្ត្រីជប៉ុន លោក Yoshihide Suga បានឲ្យដឹងថា៖ គ្មានហានិភ័យណាមួយឡើយនៅរងចក្រអាគ្គិសនីនុយ ក្លាអ៊ែរ Sendai នៅខេត្ត Kagoshima និងរងចក្រអាគ្គិសនី Genkai នៅខេត្ត Saga ។ ក្នុងសន្និសីទកាសែតនាយប់ថ្ងៃទី ១៦ ខែមេសាឆ្នាំ២០១៦ នាយករដ្ឋមន្ត្រីជប៉ុន លោក Shinzo Abe បានឲ្យដឹងថា៖ បណ្ដាកំលាំងជួយសង្គ្រោះកំពុងខំប្រឹងប្រែងអស់ពីកំលាំងកាយចិត្ត របស់ខ្លួនដើម្បីជួយសង្គ្រោះប្រជាជនទោះបីជាអាកាសធាតុមានបំរ៉ែបំរួលស្មុគស្មាញក៏ដោយ។ នាថ្ងៃដដែលស្ថានទូតវៀតណាមប្រចាំ នៅជប៉ុនក៏បានឲ្យដឹងថា៖ គ្មានប្រជាពលរដ្ឋវៀតណាមណាមួយនាក់ ដែលរងរបួសក្នុងការរញ្ជួយដីនៅជប៉ុននៅឡើយ។ នាថ្ងៃទី១៦ ខែមេសា ឆ្នាំ២០១៦ នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc បានផ្ញើរសាររំលែកទុក និងសាកសួរសុខទុកដល់នាយករដ្ឋមន្ត្រីជប៉ុន លោក Shinzo Abe ផងដែរ៕
តាម VOV5 - វិទ្យុសម្លេងវៀតណាម
