ឧបនាយករដ្ឋមន្ត្រីលោក Pham Binh Minh អញ្ជើញជាអធិបតីកិច្ចប្រជុំស្ដីអំពីទុន ODA
នាថ្ងៃទី២៦ ខែមេសា ឆ្នាំ២០១៧ ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាម លោក Pham Binh Minh និងជាប្រធានគណៈកម្មាធិការជាតិ ស្ដីអំពីការជួយឧបត្ថម្ភអភិវឌ្ឍន៍ជាផ្លូវការ (ODA) និងទុនកម្ចីអាទិភាព បានអញ្ជើញជាអធិបតី កិច្ចប្រជុំសាមញ្ញជាមួយបណ្ដាក្រសួងនិងស្ថាប័ន ដើម្បីពិនិត្យមើល ដោះស្រាយការលំបាក ជំរុញគំរោងការណ៍បានប្រើប្រាស់ទុន ODA ទុនកម្ចីអាទិភាព។ នៅទីនេះ ឧបនាយករដ្ឋមន្ត្រីលោក Pham Binh Minh បានសង្កត់ធ្ងន់ទៅលើសារសំខាន់ របស់ប្រភពទុនកម្ចីអាទិភាពនៅសេសសល់ របស់ធនាគារពិភពលោក (WB) ឆ្នាំសារពើព័ន្ធ ២០១៧ ក្នុងសភាពការណ៍ ដែលការប្រមូលផ្តុំទុនសំរាប់ការវិនិយោគអភិវឌ្ឍន៍នៅជួបឧបសគ្គជាច្រើន។ ស្មារតីរបស់រដ្ឋាភិបាលគឺប្តេជ្ញាចិត្តប្រែប្រមូលទុនអាទិភាព ពីគំរោងការណ៍រំដោះថវិកាយឹតយាវ ទៅអោយគំរោងការណ៍មានល្បឿនរំដោះថវិកាលឿន ដើម្បីឆ្លៀតយកប្រភពទុនអាទិភាពនេះ។ ឧបនាយករដ្ឋមន្ត្រីលោក Pham Binh Minh ក៏បានបញ្ជាណែនាំអោយស្ថាប័ននានាត្រូវរួមសហការជិតស្និទ្ធ ជាមួយធនាគារជាតិ និងស្ថាប័នទាក់ទិននានា សម្រេចដំណើរការត្រៀមរៀបចំគំរោងការណ៍ ធានាការចរចារ ជាមួយ WB ប្រព្រឹត្តទៅប្រកបដោយប្រសិទ្ធភាព៕
តាម VOV5 - វិទ្យុសំឡេងវៀតណាម