សន្និសីទទូទាំងប្រទេសបូកសរុបការងារត្រួតពិនិត្យនិងឃ្លាំមើលរបស់បក្ស
នាថ្ងៃទី២៤ ខែកុម្ភះ ឆ្នាំ២០១៧ នៅទីក្រុងហាណូយ អញ្ជើញចូលរួម និងថ្លែងមតិនៅសន្និសីទទូទាំងប្រទេស បូកសរុបការងារត្រួតពិនិត្យ និងឃ្លាំមើលរបស់បក្ស ឆ្នាំ ២០១៦ អនុវត្តភារកិច្ចឆ្នាំ២០១៧ អគ្គលេខាបក្សលោក Nguyen Phu Trong បានលើកច្បាស់ថា៖ ឆ្នាំ ២០១៧ ស្ថានភាពនៅលើពិភពលោក និងតំបន់មានបំរ៉ែបំរួលដ៏ស្មុគ្រស្មាញ មានឧបសគ្គជាច្រើន ជះឥទ្ធិពលជាច្រើន ចំពោះការដឹកនាំរបស់បក្ស ការគ្រប់គ្រងនិងបញ្ជាណែនាំរបស់រដ្ឋ។ អគ្គលេខាបក្ស បានសង្កត់ធ្ងន់ទៅលើភារកិច្ចមួយចំនួន ត្រូវអនុវត្តល្អក្នុងឆ្នាំ២០១៧ ដែលក្នុងនោះមានការអនុវត្តសេចក្ដីសម្រេចចិត្ត នៃមហាសន្និបាតលើកទី១២របស់បក្សកុម្មុយនីស្តវៀតណាម និងសេចក្ដីសម្រេចចិត្តមជ្ឈឹមលើកទី៤ នីតិកាលទី១២ ស្ដីអំពីការកសាង និងកែលំអរបក្ស។ ទន្ទឹមនឹងនោះ អគ្គលេខាបក្សក៏បានសម្ដែងជំនឿជាក់ថា៖ គណៈកម្មាធិការត្រួតពិនិត្យមជ្ឈឹម និងគណៈកម្មាធិការត្រួតពិនិត្យគ្រប់ជាន់ថ្នាក់ នឹងសម្រេចល្អភារកិច្ចនានា ដែលបានប្រគល់ជូនរួមចំណែកសំខាន់ក្នុងការអនុវត្តជោគជ័យ ភារកិច្ចអំពីសេដ្ឋកិច្ចនិងសង្គមកិច្ចនៃប្រទេសជាតិ៕
តាម VOV5 - វិទ្យុសំឡេងវៀតណាម
