សកម្មភាពរំលឹកខួបលើកទី ៤២ នៃទិវារំដោះវៀតណាមខាងត្បួងឯករាជ្យប្រទេសជាតិ
(www.hcmcpv.org.vn)
នាបណ្ដាថ្ងៃនេះ នៅមូលដ្ឋានជាច្រើនទូទាំងប្រទេស បានប្រព្រឹត្តិទៅសកម្មភាពរំលឹកខួបលើកទី ៤២ នៃទិវារំដោះវៀតណាមខាងត្បួង ឯករាជ្យប្រទេសជាតិ (៣០ មេសា ១៩៧៥-៣០ មេសា ២០១៧)។
នាយប់ថ្ងៃទី ២៩ ខែមេសា ឆ្នាំ២០១៧ នៅទីក្រុង Dien Bien Phu ខេត្ត Dien Bien បានប្រព្រឹត្តិទៅកម្មវិធីសម្ដែងសិល្បៈ “មាតុប្រទេសក្នុងបេះដូង”។ កម្មវិធីនេះ បានជួយ ឲ្យទស្សនិកជនរស់នៅក្នុងបរិយាកាសដ៏អង់អាចក្លាហានរបស់ប្រទេសជាតិ យល់ដឹងនិងគោរពថែមទៀតនូវតម្លៃប្រវត្តិសាស្ត្ររបស់ជនជាតិវៀតណាម។
ចូលរួមក្នុងបរិយាកាសរបស់ប្រជាជននៅទូទាំងប្រទេសនិងអាណិកជនវៀតណាមនៅពិភពលោក នាព្រឹកថ្ងៃទី ៣០ ខែមេសា ឆ្នាំ២០១៧ សមាគមន៍ជនជាតិវៀតណាមនៅរាជធានីភ្នំពេញប្រទេសកម្ពុជាបានប្រារព្ធឡើងពិធី រំលឹកខួបលើកទី ៤២ នៃទិវារំដោះវៀតណាមខាងត្បួង។ នៅទីនេះ បណ្ដាតំណាងបានរំលឹកឡើងវិញនូវប្រពៃណីតស៊ូបដិវត្តន៍ដ៏អង់អាចក្លាហានរបស់ជនជាតិវៀតណាមសម្ដែងការដឹងគុណជានិច្ចកាល ពីពោះវីរៈជន យុទ្ធជនពលី ក្រុមគ្រួសារមានគុណូបការៈចំពោះបដិវត្តន៍ យុទ្ធជនពិការដែលបានចូលរួមការតស៊ូដើម្បីបុព្វហេតុរំដោះប្រទេសជាតិ នាំមកនូវឯករាជ្យ សេរីភាពជូនមាតុប្រទេស។
ក្នុងឱកាសនេះ ស្ថានទូតវៀតណាមប្រចាំនៅបារាំងបានប្រារព្ធឡើងពិធីមិទិញ រំលឹកខួបលើកទី ៤២ នៃទិវារំដោះវៀតណាមខាងត្បួង ឯករាជ្យប្រទេសជាតិ(៣០ មេសា ១៩៧៥ -៣០ មេសា ២០១៧) ។ ថ្លែងមតិនៅទីនេះ អនុរដ្ឋមន្ត្រី ក្រសួងការបរទេសវៀតណាមលោក Le Hoai Trung បានអះអាងថា៖
“ថ្ងៃទី ៣០ ខែមេសា មានអត្ថន័យយ៉ាងច្រើន។នេះគឺជាថ្ងៃបញ្ជាក់អះអាងពីឯករាជ្យរបស់វៀតណាមជាថ្មីម្ដងទៀត ឯករាជ្យភាពនេះ វៀតណាមបានខិតខំប្រឹងប្រែងរក្សា នៅពេលដែលបានប្រកាសជាប្រទេសឯករាជ្យនាឆ្នាំ ១៩៤៥។ អត្ថន័យទីពីរគឺនេះក៏ជាថ្ងៃឯករាជប្រទេសជាតិ។ នាពេលបច្ចុប្បន្ននេះអាចឃើញថាវៀតណាមបានឯករាជ្យដូចជាសេចក្តីប្រាថ្នារបស់ប្រជាជនវៀតណាម។ បច្ចុប្បន្ននេះវៀតណាមកំពុងអភិវឌ្ឍន៍លើច្រើនវិស័យនិងក្លាយទៅជាប្រទេសមានចំណូលមធ្យម ព្រមទាំងមានទំនាក់ទំនងទូលំទូលាយជាមួយប្រទេសជាច្រើនលើពិភពលោក។ បច្ចុប្បន្ននេះវៀតណាមមានទំនាក់ទំនងជាយុទ្ធសាស្រ្ត ឬទំនាក់ទំនងដៃគូលើគ្រប់វិស័យជាមួយប្រទេសទាំងអស់ជាសមាជិកអចិន្ត្រៃយ៍នៃក្រុមប្រឹក្សាសន្តិសុខ និងមានទំនាក់ទំនងជិតស្និទ្ធជាមួយបណ្តាប្រទេសនៅលើពិភពលោក និងជាសមាជិកនៃអង្គការអន្តរជាតិនិងតំបន់សំខាន់”៕
តាម VOV5-វិទ្យុសម្លេងវៀតណាម