វៀតណាមសន្យាបង្កលក្ខណះងាយស្រួលសំរាប់សហគ្រាសអាមេរិកបោះទុនវិនិយោគនិងធ្វើអាជីវកម្ម
ក្នុងក្របខ័ណ្ឌដំណើរបំពេញទស្សនកិច្ចជាផ្លូវការនៅអាមេរិក នាថ្ងៃទី២១ខែមេសា ឆ្នាំ២០១៧ ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាម លោក Pham Binh Minh បានជួបសន្ទនាជាមួយតំណាងពាណិជ្ជកម្មស្តីទីអាមេរិក លោក Stephen Vaught ជួបសន្ទនាជាមួយក្រុមបណ្ដាអ្នកជំនួយការសមាជិក សភានៃគណបក្សសាធារណះ និងគណបក្សប្រជាធិបតេយ្យ ថ្នាក់ដឹកនាំមជ្ឈមណ្ឌលស្រាវជ្រាវយុទ្ធសាស្ត្រ និងអន្តរជាតិ (CSIS) និងមូលនិធិ Heritage Foundation ថ្នាក់ដឹកនាំក្រុមប្រឹក្សាពាណិជ្ជកម្មអាមេរិក និងតំណាងសហគ្រាសអាំមេរិក ដែលកំពុងធ្វើអាជីវកម្មនៅវៀតណាម។ នៅក្នុងជំនួបទាំងនេះ លោក Pham Binh Minh បានអះអាងថា៖ រដ្ឋាភិបាលវៀតណាមត្រៀមខ្លួនជាស្រេចសហប្រតិបត្តិការជាមួយរដ្ឋអំណាចថ្មីរបស់អាមេរិក ដើម្បីរក្សាល្បឿនអភិវឌ្ឍន៍នៃទំនាក់ទំនង រវាងប្រទេសទាំងពីរ ជាពិសេសគឺក្នុងវិស័យសេដ្ឋកិច្ច ពាណិជ្ជកម្ម បន្តកែលំអរបរិយាកាសអាជីវកម្ម វិនិយោគ បង្កលក្ខណះងាយស្រួលថែមទៀតចំពោះសហគ្រាសអាមេរិក បោះទុនវិនិយោគ ធ្វើអាជីវកម្មនៅវៀតណាម ។
បណ្ដាអ្នកជំនួយការសមាជិកសភាអាមេរិកបាណអះអាងនូវការគាំទ្ររបស់គណបក្សទាំងពីរ ក្នុងទំនាក់ ទំនងលើគ្រប់វិស័យជាមួយវៀតណាមសន្យាបន្តយកចិត្តទុកដាក់ និងជួយឧបត្ថម្ភវៀត ណាម ដោះស្រាយផលវិបាកដោយសង្គ្រាម ជាពិសេសគឺបញ្ហាសំអាតជាតិគីមីពុលពណ៌លឿងទុំ/Dioxin។ ទន្ទឹមនឹងនោះ បណ្ដាអ្នកជំនួយសមាជិកសភាក៏បានចែករំលែកការយកចិត្តទុកដាក់របស់រដ្ឋសភាអាមេរិក ចំពោះបញ្ហានៅសមុទ្រខាងកើត ដែលក្នុងនោះមានការរក្សាសន្តិសុខ សុវត្ថិភាព និងសេរីភាពនាវាចរណ៍ អាកាសចរណ៍និងដោះស្រាយជំលោះដោយសន្តិវិធី ផ្អែកទៅលើការគោរពច្បាប់អន្តរជាតិ ដែលក្នុងនោះមានអនុសញ្ញា អង្គការសហប្រជាជាតិ ស្ដីអំពីច្បាប់សមុទ្រ (UNCLOS) ឆ្នាំ ១៩៨២។
តាម VOV5 - វិទ្យុសំឡេងវៀតណាម
