នាព្រឹកថ្ងៃទី២៤ ខែមិថុនា ឆ្នាំ២០១៧ នៅរដ្ឋធានីហាណូយ របស់វៀតណាម បានប្រព្រឹត្តទៅពិធីរំលឹកខួបអនុស្សាវរីយ៍លើកទី៥០ ទិវាបង្កើតទំនាក់ទំនងការទូតវៀតណាម-កម្ពុជា។
ថ្នាក់ដឹកនាំនិងអតីតថ្នាក់ដឹកនាំជាន់ខ្ពស់នៃប្រទេសទាំងពីរចូលរួមពិធីរំលឹកខួបអនុស្សាវរីយ៍ (រូបថត៖TTXVN)
អញ្ជើញថ្លែងមតិនៅទីនេះ ប្រធានរដ្ឋសភាវៀតណាម លោកស្រី Nguyen Thi Kim Ngan បានអះអាងថា បើទោះបីជាស្ថានភាពក្នុង តំបន់និងលើពិភពលោកមានបម្រែបម្រួលជាច្រើនក្ដី ប៉ុន្តែ ប្រទេសទាំងពីរ ប្រជាជាតិទាំងពីរវៀតណាម និងកម្ពុជានឹងបន្តបង្កើនថែមទៀតនូវទំនាក់ទំនងមិត្តភាពប្រពៃណី និងកិច្ចសហប្រតិបតិ្តការលើគ្រប់វិស័យ តាមនោះ ពូនជ្រុំឲ្យទំនាក់ ទំនងកាន់តែអភិវឌ្ឍន៍ពីមួយថ្ងៃទៅមួយថ្ងៃ ដើម្បីផលប្រយោជន៍របស់ប្រជាជន កម្ពុជានិងវៀតណាម។
“ធម្មជាតិអំណោយផល បានធ្វើឲ្យទឹកទន្លេមេគ្គហូរឆ្លងកាត់ប្រទេសទាំងពីរ។ ទន្លេនេះក៏ជាកសិណសាក្សីទំនាក់ទំនងដ៏ស្និទ្ធស្នាល រវាងប្រជាជាតិទាំងពីរដែរ។ ក្នុងឱកាសនេះ ខ្ញុំជូនពរឲ្យចំណងមិត្តភាពប្រពៃណីនិងកិច្ចសហប្រតិបតិ្តការលើ គ្រប់វិស័យរវាងវៀតណាមនិងកម្ពុជា ដូចទឹកទន្លេមេគង្គដែលមិនរីងស្ងួតជារៀង រហូតហើយជានិច្ចកាល ជាប្រភពនៃខឿនសេដ្ឋកិច្ចនិងភាពសម្បូររុងរឿងរបស់ ប្រជាជាតិយើងទាំងពីរ”។
ទិដ្ឋភាពនៃពិធីរំលឹកខួប
រីឯខ្លួនវិញ ប្រធានរដ្ឋសភាកម្ពុជាសម្ដេច ហេង សំរិន បានអះអាងថាការ រៀបចំពិធីរំលឹកខួបអនុស្សាវរីយ៍ថ្ងៃនេះ ជាព្រឹត្តិការណ៍ប្រវត្តិសាស្ត្រដ៏មហិមារ ដែលសរឲ្យឃើញនូវទំនាក់ទំនងសាមគ្គីភាពមិត្តភាពប្រពៃណី និងកិច្ចសហប្រតិ បតិ្តការដ៏ល្អប្រសើរ រវាងប្រទេសទាំងពីរតាំងពីមុនមក។ ជាថ្មីម្ដងទៀត តាងនាមប្រជាជនកម្ពុជា សម្ដេច ហេង សំរិន បានថ្លែងអំណរ គុណដ៏ជ្រាលជ្រៅចំពោះការគាំទ្រដ៏ថ្លៃថ្លូដែលថ្នាក់ដឹកនាំបក្ស រដ្ឋនិងប្រជាជន វៀតណាមបានលៃទុកសំរាប់ប្រជាជនកម្ពុជា ក្នុងការស្ដារនិងកសាងប្រទេសជាតិ ដើម្បីមានការអភិវឌ្ឍន៍ដូចនាបច្ចុប្បន្ន៕
តាម VOV5 - វិទ្យុសំឡេងវៀតណាម