ទទួលសេចក្តីអញ្ជើញរបស់ប្រធានរដ្ឋសភាវៀតណាម លោកស្រី Nguyen Thi Kim Ngan ប្រធានរដ្ឋសភាកូរ៉េខាងត្បូង លោក Chung Sye –kyun និងលោកជំទាវរួមទាំងគណៈប្រតិភូជាន់ខ្ពស់រដ្ឋសភាកូរ៉េខាងត្បូង បានអញ្ជើញមកបំពេញទស្សនកិច្ចជាផ្លូវការ នៅវៀតណាម ចាប់ពីថ្ងៃទី២៤ដល់ថ្ងៃទី២៦ ខែមេសា ឆ្នាំ២០១៧។ ដំណើរទស្សនកិច្ចនេះ សំដៅអះអាងនូវទំនាក់ទំនងមិត្តភាព របស់រដ្ឋសភាកូរ៉េខាងត្បូង ចំពោះប្រជាជនវៀតណាមនិងទំនាក់ទំនងមិត្តភាព រវាងប្រទេសទាំងពីរ ព្រមទាំងរួមចំណែកទៅក្នុងសកម្មភាពរំលឹកខួបលើកទី២៥ នៃទិវាបង្កើតទំនាក់ទំនងការទូតវៀតណាម-កូរ៉េខាងត្បូងថ្ងៃទី២២ ខែធ្នូខាងមុខផងដែរ។
ប្រធានរដ្ឋសភាកូរ៉េខាងត្បូង លោក Chung Sye-kyun (រូបថតៈEPA/TTXVN )
តាមរបៀបវារៈ នាព្រឹកថ្ងៃទី២៥ ខែមេសា ឆ្នាំ២០១៧ ពិធីទទួលស្វាគមន៍ជាផ្លូវការប្រធានរដ្ឋសភាកូរ៉េខាងត្បូង លោក Chung Sye-kyun និងគណៈប្រតិភូជាន់ខ្ពស់ រដ្ឋសភានឹងបានប្រារព្ធយ៉ាងឱឡារិកក្រោមអធិបតីភាព របស់ប្រធានរដ្ឋសភាវៀតណាម លោកស្រី Nguyen Thi Kim Ngan។ បន្ទាប់ពីពិធីទទួលបដិសណ្ឋារកិច្ច ភាគីទាំងពីរនឹងអនុវត្តកិច្ចចរចារ។
ចាប់តាំងពីរបង្កើតទំនាក់ទំនងការទូត នាខែធ្នូ ឆ្នាំ១៩៩២មក ទំនាក់ទំនងរវាងវៀតណាមនិងកូរ៉េខាងត្បូងកំពុងមានការអភិវឌ្ឍន៍គួរឲ្យកត់សម្គាល់។ វាយតម្លៃអំពីទំនាក់ទំនងទ្វេភាគី ឯកអគ្គរដ្ឋទូតកូរ៉េខាងត្បូងប្រចាំនៅវៀតណាម លោក Lee Hyuk បានឲ្យដឹងថា៖
“ទំនាក់ទំនងរវាងកូរ៉េខាងត្បូងនិងវៀតណាម រហូតមកដល់ពេលនេះគឺគម្រប២៥ឆ្នាំហើយ។ ហើយទំនាក់ទំនងនេះ ទទួលបានផ្លែផ្កាពីមួយថ្ងៃទៅមួយថ្ងៃ។ ជាពិសេស ក្នុងទំនាក់ទំនងសហប្រតិបត្តិការ លើវិស័យសេដ្ឋកិច្ច កូរ៉េខាងត្បូងបានក្លាយទៅជាវិនិយោគិន បរទេសធំបំផុតនៅវៀតណាម។ ឆ្នាំ២០១៦ តម្លៃប្រាក់ពាណិជ្ជកម្មទ្វេភាគី ទទួលបាន៤៥ពាន់លានដុល្លារអាមេរិក ជាពិសេស ការនាំចេញរបស់ កូរ៉េខាងត្បូងមកវៀតណាម បានវ៉ាដាច់ការនាំចេញ របស់កូរ៉េខាងត្បូងទៅជប៉ុនផងដែរ”។
ក្នុងវិស័យការទូតសភា ទំនាក់ទំនងរវាងរដ្ឋសភាទាំងពីរបានពង្រឹង និងពង្រីកដោយឥតឈប់ឈរ។ ឈរលើសទ្ធិផលទទួលបានអស់រយៈពេល២៥ឆ្នាំកន្លងទៅនេះ ភាគីទាំងពីរសង្ឃឹមថា ដំណើរទស្សនកិច្ចជាផ្លូវការវៀតណាម លើកនេះរបស់ប្រធានរដ្ឋសភាកូរ៉េខាងត្បូង លោក Chung Sye –Kyun លើកនេះនឹងរួមចំណែកជម្រុញខ្លាំងទំនាក់ទំនងដៃគូសហប្រតិបត្តិការយុទ្ធសាស្ត្រវៀតណាម-កូរ៉េខាងត្បូង នាពេលខាងមុខ៕
តាម VOV5 - វិទ្យុសំឡេងវៀតណាម
