ប្រធានរដ្ឋលោក Tran Dai Quang ថ្លែងមតិក្នុងជំនួប (រូបថតៈ VOV5)
អនុវត្តកម្មវិធីជួបប្រាស្រ័យជាមួយ អ្នកបោះឆ្នោតមុននឹងប្រារព្ធកិច្ចប្រជុំ លើកទី៣ រដ្ឋសភាវៀតណាមនីតិកាលទី១៤ នាថ្ងៃទី២៦ ខែមេសា ឆ្នាំ២០១៧ ប្រធានរដ្ឋវៀតណាម លោក Tran Dai Quang រួមជាមួយក្រុមសមាជិកសភាទីក្រុងហូជីមិញ បានអញ្ជើញទៅ ជួបប្រាស្រ័យជាមួយអ្នកបោះឆ្នោតស្រុក Can Gio សំដៅជូនដំណឹងនូវខ្លឹមសារសំខាន់ៗ ក្នុងកិច្ចប្រជុំលើកទី៣ រដ្ឋសភាវៀតណាមនីតិកាលទី១៤។ តាមនោះ ក្នុងកិច្ចប្រជុំ នាពេលខាងមុខ រដ្ឋសភានឹងពិនិត្យអនុម័តលើគំរោងច្បាប់ចំនួន១៣ សេចក្តីសម្រេចចិត្តចំនួន៣ និងផ្តល់មតិទៅលើគំរោងច្បាប់ចំនួន៤ ជាពិសេសគឺផ្តោតសំខាន់លើបញ្ហាទាក់ទិននឹងជីវភាពរស់នៅប្រចាំថ្ងៃ និងសុខភាពរបស់អ្នកបោះឆ្នោត។ ទទួលយករាល់មតិរបស់អ្នកបោះឆ្នោត ប្រធានរដ្ឋ លោក Tran Dai Quang បានសង្កត់ធ្ងន់ថា៖
“ខ្ញុំយល់ព្រមចំពោះមតិជាច្រើនរបស់អ្នកបោះឆ្នោត នោះគឺមុនបង្អស់ យើងត្រូវប្រមូលផ្តុំលើការកែលម្អហេដ្ឋារចនាសម្ព័ន្ធដឹកជញ្ជូន។ មជ្ឈឹមនិងទីក្រុងបានពន្លឿន ដើម្បីសម្រេចឲ្យបានឆាប់ៗស្ពាន Can Gio-Nha Be ហើយទន្ទឹមជាមួយគ្នានោះគឺស្ពាន Binh Chanh-Nha Be ព្រោះថា សម្រេចបានស្ពានទាំងអស់នេះនឹងធ្វើឲ្យជីវភាពរស់នៅ របស់ប្រជាជនមានការផ្លាស់ប្តូរដែរ។ ហេតុដូច្នេះបានជា បញ្ហាវិនិយោគអភិវឌ្ឍន៍ហេដ្ឋារចនាសម្ព័ន្ធ ដឹកជញ្ជូនជាបញ្ហាចាំបាច់ណាស់”៕
នារសៀលថ្ងៃដដែល ប្រធានរដ្ឋវៀតណាមលោក Tran Dai Quang និងក្រុមសមាជិកសភាទីក្រុងហូជីមិញ បានអញ្ជើញជួបប្រាស្រ័យជាមួយ អ្នកបោះឆ្នោតខ័ណ្ឌទី១ ទី៣និងទ៤ ទីក្រុងហូជីមិញ។ អញ្ជើញថ្លែងមតិនៅទីនេះ លោក Tran Dai Quang បានគូសបញ្ជាក់ថា៖
“វៀតណាមជាប្រទេសនីតិរដ្ឋរបស់ប្រជាជន ដោយប្រជាជននិងដើម្បីប្រជាជន គ្រប់គ្រងរដ្ឋដោយច្បាប់តាមស្មារតីយកច្បាប់ជាធំ ដោយហេតុនេះ យើងត្រូវពង្រឹងប្រព័ន្ធច្បាប់លើគ្រប់វិស័យ។ ហើយការកសាងច្បាប់ក៏ត្រូវយោងតាមអាណត្តិ របស់ខ្លួនដើម្បីកសាងឲ្យបានសមស្រប”។
ប្រធានរដ្ឋ លោក Tran Dai Quang បានឲ្យដឹងថែមទៀតថា នាពេលខាងមុខ នឹងចំណាយពេលវេលាជូនដំណឹង អំពីការងារប្រឆាំងអំពើពុករលួយ។ ឈរលើស្មារតីនោះ លោក Tran Dai Quang មានបំណងថា មនុស្សគ្រប់រូប ជាពិសេសគឺបក្ខជន ត្រូវចូលរួមយ៉ាងសកម្មទៅ ក្នុងការស៊ូរកឃើញ និងដាក់ជូនស្ថាប័នមាន សមត្ថកិច្ចជំនុំជំរះមុខសញ្ញាពុករលួយតាមច្បាប់៕
តាម VOV5 - វិទ្យុសំឡេងវៀតណាម