ទិដ្ឋភាពនៃជំនួបចរចារនេះ (រូបថត៖TTXVN)
តាមសេចក្ដីអញ្ជើញរបស់ឧបនាយករដ្ឋមន្រ្តី និងជារដ្ឋមន្ត្រីការបរទេសវៀតណាម លោក Pham Binh Minh រដ្ឋមន្រ្តីការបរទេសនូវែលហ្សេឡង់ លោក Murray McCully បានមកបំពេញទស្សនកិច្ចជាផ្លូវការនៅវៀតណាម ចាប់ពីថ្ងៃទី២៤ ដល់ថ្ងៃទី២៥ ខែមេសា ឆ្នាំ២០១៧។ នារសៀលថ្ងៃទី២៤ ខែមេសា នៅរដ្ឋធានីហាណូយ រដ្ឋមន្រ្តីការបរទេសទាំងពីររូប បានដំណើរការចរចារ។
ភាគីទាំងពីរបានអះអាងជាថ្មីម្ដងទៀត នូវសារសំខាន់នៃទំនាក់ទំនងវៀតណាម-នូវែលហ្សេឡង់ ហើយសំដែងគោលបំណងបន្តអភិវឌ្ឍន៍ឡើង កំពស់ថ្មី ធ្វើឲ្យស៊ីជំរៅថែមទៀតទំនាក់ទំនងដៃគូ លើគ្រប់វិស័យ ឆ្ពោះទៅដៃគូយុទ្ធសាស្ត្រ។ ភាគីទាំងពីរអះអាងនូវការប្ដេជ្ញាចិត្តបង្កើនទំហំពាណិជ្ជកម្មទ្វេភាគីឡើងកំរិត១ពាន់៧រយលានដុល្លាអាមេរិកនាឆ្នាំ២០២០។
រដ្ឋមន្ត្រីទាំងពីររូបបានអះអាងលើការ បន្តបង្កើនថែមទៀតកិច្ចសហប្រតិបត្តិការប្រកបដោយប្រសិទ្ធភាពនៅវេទិកានានា ក្នុងតំបន់អាស៊ី ប៉ាស៊ីហ្វិកក៏ដូចជានៅអ.ស.បផងដែរ។ ភាគីទាំងពីរក៏បានអះអាងនូវសារសំខាន់ នៃការដោះស្រាយជំលោះអន្តរជាតិ ក្នុងនោះមានជំលោះនៅសមុទ្រខាងកើត ដោយសន្តិវិធី ឲ្យបានសមស្រប់ជាមួយនឹងច្បាប់អន្តរជាតិ ក្នុងនោះមានអនុសញ្ញាអ.ស.ប ស្ដីអំពីច្បាប់សមុទ្រឆ្នាំ១៩៨២ អនុវត្តយ៉ាងពេញលេញ នូវសេចក្ដីថ្លែងការណ៍ ស្ដីអំពីការប្រតិបត្តិ របស់ភាគីនានានៅសមុទ្រខាងកើត (DOC) ហើយឆ្ពោះទៅសំរេចក្រមប្រតិបត្តិ នៅសមុទ្រខាងកើត (COC) យ៉ាងឆាប់ៗ៕
តាម VOV5 - វិទ្យុសំឡេងវៀតណាម