លោក Hoang Binh Quan សមាជិកមជ្ឈឹមបក្សនិងជាប្រធានគណៈកម្មាធិការកិច្ចការបរទេសមជ្ឈឹម
ដំណើរទស្សនកិច្ចរួមចំណែកសកម្ម ក្នុងការជម្រុញទំនាក់ទំនងវៀតណាម-ចិន ឲ្យមានការវិវឌ្ឍយ៉ាងខ្លាំងក្លា និងកាន់តែរឹងមាំពីមួយថ្ងៃទៅមួយថ្ងៃ។ នេះ ជាការអះអាងរបស់លោក Hoang Binh Quan សមាជិកមជ្ឈឹមបក្សនិងជាប្រធានគណៈកម្មាធិការ កិច្ចការបរទេសមជ្ឈឹម នាថ្ងៃទី១៥ ខែមករា ក្នុងការឆ្លើយសម្ភាសន៍ជាមួយសារព័ត៌មាននានា ស្តីពីលទ្ធផលនៃដំណើរទស្សនកិច្ចនៅចិនរបស់អគ្គលេខាបក្សកុម្មុយនិស្តវៀតណាម លោក Nguyen Phu Trong ។លោក Hoang Binh Quan បានឲ្យដឹងថាក្នុងក្របខ័ណ្ឌ នៃដំណើរទស្សនកិច្ចនេះ ភាគីទាំងពីរបានឯកភាពលើ សេចក្តីថ្លែងការណ៍រួម១០ “ខ” ក្នុងនោះ សង្កត់ធ្ងន់ទៅលើការបង្កើនការជួបប្រាស្រ័យជាន់ខ្ពស់ រវាងបក្សទាំងពីរ ជាពិសេសជម្រុញកិច្ចសហប្រតិបត្តិការ ពាណិជ្ជគម្ម វិនិយោគ សន្តិសុខ ការពារជាតិ។ ក៏ក្នុងដំណើរទស្សនកិច្ចនេះដែរ ស្ថាប័ននៃបក្ស ទាំងពីររដ្ឋទាំងពីរបានចុះហត្ថលេខាលើឯកសារសំខាន់ចំនួន៥ សំដៅជម្រុញកិច្ចសហប្រតិបត្តិការ លើគ្រប់វិស័យ។
លោក Hoang Binh Quan បានឲ្យដឹងថែមទៀតថា ដំណើរទស្សនកិច្ចនេះ ជាការគូសសញ្ញាសំខាន់សម្រាប់បក្សទាំងពីរ និងប្រទេសទាំងពីរពង្រឹងកិច្ចសហប្រតិបត្តិការ ឲ្យកាន់តែរឹងមាំថែមទៀតនាពេលខាងមុខ។ ជាពិសេស ការអនុវត្តដោយត្រឹមត្រូវនូវមនសិការ និងរាល់កិច្ចព្រមព្រៀងដែលទទួលបាននោះ នឹងរួមចំណែកជាក់ស្តែងទៅក្នុងការរក្សាសន្តិភាពស្ថិរភាពលើសមុទ្រខាងកើតផងដែរ៕
តាម VOV5 - វិទ្យុសំឡេងវៀតណាម