ជំរុញទំនាក់ទំនងសហប្រតិបត្តិការវៀតណាម-កម្ពុជាលើច្រើនវិស័យ
នាថ្ងៃទី២២ ខែមិថុនា ឆ្នាំ២០១៧ នៅខេត្ត Binh Duong (ភាគខាងត្បូងវៀតណាម) នាយករដ្ឋមន្ត្រីវៀតណាម លោក Nguyen Xuan Phuc បានជួបធ្វើការ ជាមួយនាយករដ្ឋមន្ត្រីកម្ពុជា សម្ដេចតេជោហ៊ុនសែន ដើម្បីពិភាក្សាអំពីវិធានការជំរុញទំនាក់ទំនង សហប្រតិបត្តិការ រវាងប្រទេសទាំងពីរ ក្នុងវិស័យសេដ្ឋកិច្ច ការពារជាតិ វប្បធម៌ និងអប់រំ។ នាយករដ្ឋមន្ត្រីបានឯកភាពបង្កលក្ខណះជំរុញសកម្មភាពវិនិយោគ ផ្លាស់ប្តូរពាណិជ្ជកម្ម បង្កើនការរួមសហការនៅវេទិកាតំបន់ និងអន្តរជាតិ។ នាយករដ្ឋមន្ត្រី លោក Nguyen Xuan Phuc បានស្នើអោយភាគីកម្ពុជា យកចិត្តទុកដាក់ បញ្ជាណែនាំជំរុញការងារស្វែងរក និងធ្វើមាតុភូមិនិវត្តន៍ឥដ្ឋធាតុយុទ្ធជនស្មគ្រចិត្ត និងអតីត អ្នកជំនាញការវៀតណាម ដែលបានពលីនៅកម្ពុជា។ ទន្ទឹមនឹងនោះ ភាគីទាំងពីរជំរុញការចរចារ ស្វែងរកដំណោះស្រាយ ចំពោះបញ្ហាព្រំដែននៅសេសសល់ និងសហប្រតិបត្តិការជិតស្និទ្ធក្នុងការងារគ្រប់គ្រងព្រំដែន ដើម្បីកសាងខ្សែព្រំដែននៃប្រទេសទាំងពីរ ប្រកបដោយសន្តិភាព ស្ថិរភាព សហប្រតិបត្តិការ និងអភិវឌ្ឍន៍និរន្តរភាព។ នាយករដ្ឋមន្ត្រី លោក Nguyen Xuan Phuc ក៏មានគោលបំណងថាភាគីកម្ពុជាបន្តយកចិត្តទុកដាក់ បញ្ជាណែនាំជំរុញសកម្មផ្តល់លិខិតគតិយុត្តិសំរាប់ប្រជាជនវៀតណាមនៅកម្ពុជា។
រីឯ នាយករដ្ឋមន្ត្រីកម្ពុជាសម្ដេចតេជោហ៊ុនសែន ជាថ្មីម្តងទៀតបានសម្ដែងអំណរគុណយ៉ាងជ្រាលជ្រៅ ចំពោះពលីកម្មដែលវៀតណាម លៃទុកចំពោះកម្ពុជាជួយឧបត្ថម្ភកម្ពុជា រួចផុតពីរបបប្រល័យពូជសាសន៍ខ្មែរក្រ ហម។ នាយករដ្ឋមន្ត្រីសម្ដេច តេជោហ៊ុនសែន ក៏វាយតំលៃខ្ពស់ការរួមវិភាគទានជាក់ស្ដែង ប្រសិទ្ធភាពរបស់សហគ្រាស និងវិនិយោគិនវៀតណាម នៅកម្ពុជា ចំពោះការអភិវឌ្ឍន៍សេដ្ឋកិច្ច សង្គមកិច្ច រួមចំណែកលើកស្ទួយជីវភាពរស់នៅ ទាំងខាងសម្ភារនិងស្មារតីសំរាប់ប្រជាជនកម្ពុជា។
នាថ្ងៃដដែល នាយករដ្ឋមន្ត្រីកម្ពុជាសម្ដេចតេជោហ៊ុនសែន រួមជាមួយគណៈប្រតិភូជាន់ខ្ពស់ រដ្ឋាភិបាលកម្ពុជាបានវិលត្រឡប់ទៅប្រទេសវិញ បញ្ចប់ដំណើរទស្សនកិច្ចនៅវៀតណាម ប្រកបដោយជោគជ័យ៕
តាម VOV5 - វិទ្យុសំឡេងវៀតណាម