SAGOCA បង្កើតតាំងពីឆ្នាំ១៩៩២ ដែលមានឈ្មោះហៅថាសហគ្រាសឯកជនកម្រាលព្រំឡែនសាយហ្គន ផ្គត់ផ្គង់តែកម្រាលព្រំសម្រាប់តុបតែង ត្បាញដោយដៃគុណភាពខ្ពស់ ធ្វើអំពីវត្ថុធាតុធម្មជាតិជិតស្និទ្ធ ជាមួយបរិស្ថាន។ នៅដំណាក់កាលនោះ SAGOCA មានទុកចិត្តវិនិយោគ អភិវឌ្ឍន៍ផលិតកម្ម និងឆាប់រហ័សក្តាប់ជាប់ទីផ្សារ ដោយសារប្រៀបខ្លាំងនៃប្រភេទផលិតផល មានលក្ខណៈវប្បធម៌ប្រពៃណី និងសិល្បៈរបស់កម្រាលព្រំតុបតែង។
ក្រៅពីវត្ថុធាតុដើមដែលមានស្រាប់នៅក្នុងប្រទេសដូចជា៖ សូត្រនាង អំបោះកប្បាស អំបោះក្រចៅ SAGOCA បាននាំចូលវត្ថុធាតុឡែនរោមចៀមពី New Zealand និងអូស្រ្តាលី។ ដោយមានវត្ថុធាតុគុណភាពខ្ពស់ ទើបធ្វើឲ្យកម្រាលព្រំឡែនសាយហ្គន ដែលរៀបដាក់ក្នុងបរិយាកាសរស់នៅ បានស្រស់ស្រាយ កក់ក្តៅនៅរដូវរងានិងត្រជាក់នៅរដូវក្តៅ។
 ផលិផលកម្រាលព្រំឡែនសាយហ្គនបានត្បាញដោយដៃមានគុណភាពរលោងនិងស្រស់ស្អាត។  ជាងផ្ចិតផ្ចង់ត្បាញនូវសសៃសូត្រអំបោះនិមួយៗ ដើម្បីសម្រេចបានកម្រាលព្រំស្អាតនិងមាំ។  ដំណាក់កាលធ្វើកម្រាលព្រំរលោង។  ពណ៌ឡែនតម្បាញសម្បូរបែបតាមតម្រូវការនៃលិខិតកកទំនិញ។  SAGOCA ជាពាណិជ្ជសញ្ញាមានកម្រាលព្រំគំរូជាច្រើនសម្រាប់អតិថិជនជ្រើសរើស។  លោកម៉ាយឌិញគិម ជានាយក SAGOCA ឧទ្ទេសនាម ពីផលិតផលកម្រាលព្រំឡែនដែលធ្វើអំពីវត្ថុធាតុធម្មជាតិសុទ្ធសាធនិងជិតស្និទ្ធជាមួយបរិស្ថាន។ |
|
ឆ្នាំ២០១៥ បូកសរុបបរិមាណផលរបស់ SAGOCA គឺ១០.០០០ម៉ែត្រការេ ក្នុងនោះមាន២០%នាំចេញ(២០០០ម៉ែត្រការេ)។ |
មកដល់សព្វថ្ងៃ កម្រាលព្រំឡែនសាយហ្គនបានយកជំនះចិត្តអតិថិជន ដោយមានផលិតផលយ៉ាងពិសេស ដែលពោរពេញទៅដោយលក្ខណៈវប្បធម៌វៀតណាម។ ក្បូរក្បាច់រចនានៅលើកម្រាលយ៉ាងសម្បូរបែបដូចជា៖ ស្នាមក្រយៅឈើ រូបសត្វទាំង១២ឆ្នាំ ឬក្បាច់នៅលើស្គរស្ពាន់។ល។ ស្លាកស្នាមនិមួយៗសុទ្ធតែ បង្កើតបានភាពស្រទន់ ភាពអង់អាចនិងមានគម្រោងជាក់ច្បាស់។
ដើម្បីត្បាញបាន១ម៉ែត្រការេកម្រាលព្រំ សិប្បកររបស់ SAGOCA ត្រូវខិតខំត្បាញពេញមួយខែ។ ដោយឡែកការជ្រលក់ពណ៌ឡែនតែងតែទាមទារបទដ្ឋានម៉ឹងមាត់។ ពណ៌និមួយៗ អ្នកបច្ចេកទេសរចនា និងជ្រលក់ពណ៌ពី៥ដល់៧ពណ៌គំរូ ហើយបន្ទាប់មក ប្រៀបធៀបដើម្បីជ្រើសរើសម៉ូដពណ៌ណាសម្រេចបានស្តង់ដា។
ហេតុនេះហើយផលិតផលរបស់ SAGOCA រក្សាបានភាពស្រទន់និងស្រស់ស្អាតតាមពេលវេលា និងមានគុណប្រយោជន៍ជានិច្ចដូចជា៖ មានកម្រិតយឺតខ្ពស់ មិនទក់ឬម៉ត់ មានសមត្ថភាពស្អិតមិនរអិល បន្ថយបានសូរសម្លេង និងបាំងសូរសម្លេងយ៉ាងអស្ចារ្យ។ ជាពិសេស ដោយមានជាតិប្រូតេអិន ក្នុងអំបោះសូត្រធម្មជាតិធ្វើឲ្យផលិតផលមានគុណប្រយោជន៍ បង្ការអគ្គីភ័យដោយមានប្រសិទ្ធភាព។
ផលិតផលយ៉ាងសម្បូរបែប ប៉ុន្តែ SAGOCA សុទ្ធតែមានគោលបំណងតែមួយ នោះគឺជួយអតិថិជនប្រើប្រាស់អស់នូវគុណប្រយោជន៍ នៃបរិយាកាសរស់នៅ និងសមស្របជាមួយគ្រឿងសង្ហារឹមគុណភាពខ្ពស់។ ផលិតផលនៃ SAGOCA មិនត្រឹមតែក្តាប់យកទីផ្សារក្នុងប្រទេស នៅទាំងនាំចេញទៅកាន់ប្រទេសនានាដូចជា៖ រុស្ស៊ី បារាំង អាល្លីម៉ង់ អាមេរិក ហុងគ្រី។ល។
 ផ្ទាំងកម្រាលព្រំឡែនរូបថតពណ៌លោកប្រធានតូងដឹកថាំងធំបំផុត បានត្បាញដោយដៃពីឡែនរោមចៀមនិងអំបោះកប្បាសរបស់ SAGOCA។  លោកម៉ាយឌិញគិម ជានាយក SAGOCA ឧទ្ទេសនាមផ្ទាំងកម្រាលឡែនប្រពៃណីមានរូបភាព “នាគទាំងបូនប្រដេញចាប់ចន្ទ”។  ក្បូរក្បាច់លើស្គរស្ពាន់មានលក្ខណៈវប្បធម៌វៀតណាម បានតុបតែងនៅលើកម្រាលព្រំឡែនសាយហ្គន។  សម្រស់ស្រស់ស្អាតនៃផលិតផលកម្រាលព្រំឡែនសាយហ្គនបង្ហាញពីថ្វីដៃដ៏ប៉ិនប្រសប់នៃសិប្បករតម្បាញកម្រាលព្រំ។  ស្នាមតុបតែងលម្អិតលើផលិតផលកម្រាលព្រំឡែនរបស់ SAGOCA។  កម្រាលព្រំឡែនសាយហ្គនមួយផ្ទាំងតុបតែងតាមវិចិត្រសិល្បៈទំនើប។  កម្រាលព្រំឡែនសាយហ្គនយកជំនះចិត្តអតិថិជនដោយផលិតផលពិសេស មានលក្ខណៈវប្បធម៌វៀតណាម។ |
អត្ថបត៖ ង្វៀនវូថាញដាត រូបថត៖ ដាំងគីមផឿង
