• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຮັກສາສັນຕິພາບ, ສະຖຽນລະພາບ, ປົກປ້ອງຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນເຮືອ ແລະ ການບິນຢູ່ທະເລຕາເວັນອອກ

ຫວຽດນາມ ຮັບຮູ້ເລື່ອງກະຊວງການຕ່າງປະເທດ ອາເມລິກາ ປະກາດບົດລາຍງານເລກທີ 150 ກ່ຽວກັບການກຳນົດເສັ້ນຊາຍແດນທາງທະເລ.
ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ. (ພາບ: ກະຊວງການຕ່າງປະເທດ)
ວັນທີ 14 ມັງກອນ, ເມື່ອຕອບຄຳຖາມຂອງນັກຂ່າວສະເໜີໃຫ້ຮູ້ປະຕິກິລິຍາຂອງ ຫວຽດນາມ ກ່ຽວຂ້ອງເຖິງເລື່ອງ ກະຊວງການຕ່າງປະເທດ ອາເມລິກາ ຫາກໍ່ປະກາດບົດລາຍງານເລກທີ 150 ກ່ຽວກັບການກຳນົດເສັ້ນຊາຍແດນທາງທະເລ, ໂຄສົກກະຊວງການຕ່າງປະເທດ ຫວຽດນາມ ທ່ານນາງ ເລທິທູຮັ່ງ ເນັ້ນໜັກວ່າ: ຫວຽດນາມ ຮັບຮູ້ເລື່ອງກະຊວງການຕ່າງປະເທດ ອາເມລິກາ ປະກາດບົດລາຍງານເລກທີ 150 ກ່ຽວກັບການກຳນົດເສັ້ນຊາຍແດນທາງທະເລ. ກ່ຽວຂ້ອງເຖິງບັນດາການຂັດແຍ້ງກັນຢູ່ທະເລຕາເວັນອອກ, ຫວຽດນາມ ໄດ້ຢືນຢັນມາຫຼາຍຄັ້ງແລ້ວກ່ຽວກັບທັດສະນະສະເໝີຕົ້ນສະເໝີປາຍ ແລະ ຈະແຈ້ງຂອງຕົນ, ນັບທັງໃນຂອບເຂດ 2 ຝ່າຍກໍຄືຫຼາຍຝ່າຍ, ຕາມນັ້ນແລ້ວ ຍາມໃດ ຫວຽດນາມ ກໍ່ຄັດຄ້ານ ແລະ ບໍ່ຍອມຮັບທຸກຄຳຮຽກສິດມີສ່ວນກ່ຽວຂ້ອງ ທີ່ບໍ່ສອດຄ່ອງກັບກົດໝາຍສາກົນ, ລວມທັງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ 1982 (UNLCOS). ເນື່ອງໃນໂອກາດນີ້, ອີກຄັ້ງໜຶ່ງ ຫວຽດນາມ ໄດ້ສະເໜີໃຫ້ບັນດາຝ່າຍທີ່ກ່ຽວຂ້ອງຈົ່ງເຄົາລົບອະທິປະໄຕ, ອຳນາດອະທິປະໄຕ ແລະ ສິດອຳນາດສານຂອງ ຫວຽດນາມ ຢູ່ທະເລຕາເວັນອອກ, ເຄົາລົບວິວັດທະນາການທາງການທູດ ແລະ ນິຕິກຳ, ມີການປະກອບສ່ວນຢ່າງຕັ້ງໜ້າ ແລະ ແທດຈິງ ເພື່ອແນໃສ່ຮັກສາສັນຕິພາບ, ສະຖຽນລະພາບ, ປົກປ້ອງຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນເຮືອ ແລະ ການບິນຢູ່ທະເລຕາເວັນອອກ, ລັກສະນະຄົບຖ້ວນຂອງ UNCLOS ແລະ ຄວາມເປັນລະບຽບຮຽບຮ້ອຍໂດຍອີງໃສ່ກົດໝາຍ.
(ແຫຼ່ງຄັດຈາກ VOV)

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top