ຂ່າວສານ
ນາຍົກລັດຖະມົນຕີ ເຢຍລະມັນ ກ່າວເຕືອນຄວາມຫຼຸດໜ້ອຍຖອຍລົງກ່ຽວກັບຄວາມສະເໝີພາບລະຫວ່າງ ຍິງຊາຍ
ໂລກລະບາດໂຄວິດ - 19 ມີຄວາມສ່ຽງເຮັດໃຫ້ບັນດາຄວາມກ້າວໜ້າທີ່ບັນລຸໄດ້ກ່ຽວກັບຄວາມສະເໝີພາບລະຫວ່າງຍິ່ງຊາຍ ຖືກຕ່າວປິນ ເຊິ່ງເຫດຜົນແມ່ນຍ້ອນແມ່ຍິງຮັບປະກັນວຽກງານເບິ່ງແຍງດູແລເດັກນ້ອຍ ໃນກໍລະນີຖືກປິດລ້ອມ ແລະ ຕ້ອງເຮັດວຽກງານທີ່ຊ້ອມແຝງຄວາມສ່ຽງຫຼາຍຢ່າງ.
ນີ້ແມ່ນຄຳກ່າວເຕືອນຂອງທ່ານນາງນາຍົກລັດຖະມົນຕີ ເຢຍລະມັນ Angela Merkel ທີ່ໄດ້ຍົກອອກມາໃນວັນທີ 6 ມີນາ ໃນສານເນື່ອງໃນໂອກາດວັນແມ່ຍິງສາກົນທີ່ 8 ມີນາ. ຕາມທ່ານນາງ Angela Merkel ແລ້ວ, ບັນດາປະເທດຕ້ອງມີການກະທຳ ເພື່ອໂລກລະບາດບໍ່ເຮັດໃຫ້ໂລກກັບຄືນສູ່ສະພາບການຂາດຄວາມສະເໝີພາບລະຫວ່າງຍິງ - ຊາຍຄືເມື່ອກ່ອນ. ທ່ານນາງກໍ່ເນັ້ນໜັກວ່າ ວິກິດການດ້ານສາທາລະນະສຸກນີ້ ໄດ້ກໍ່ຜົນກກະທົບຕໍ່ແມ່ຍິງຢ່າງບໍ່ມີຄວາມຍຸຕິທຳ
ຕາມບົດລາຍງານສະບັບຫຼ້າສຸດຂອງ EU ກ່ຽວກັບຄວາມສະເໝີພາບລະຫວ່າງຍິງຊາຍ, ໂລກລະບາດໂຄວິດ - 19 ໄດ້ເຮັດໃຫ້ສະພາບຂາດຄວາມສະເໝີພາບລະຫວ່າງຍິງຊາຍ ໃນບັນດາຂົງເຂດໃນຊີວິດການເປັນຢູ່ເກືອບທັງໝົດ ຖືກຮ້າຍແຮງຂຶ້ນຕື່ມ.
(ແຫຼ່ງຄັດຈາກ VOV)
