ກ່າວຄຳເຫັນທີ່ກອງປະຊຸມຄະນະກຳມະການສູນກາງແນວໂຮມປະເທດຊາດຫວຽດນາມ ຄັ້ງທີ 3 ຊຸດທີ 9, ຈັດຂຶ້ນເມື່ອຕອນເຊົ້າວັນທີ 22 ທັນວາຢູ່ຮ່າໂນ້ຍ, ທ່ານຜູ້ປະຈຳຄະນະເລຂາສູນກາງພັກກອມມູນິດຫວຽດນາມ ເຈິ່ນກວັກເວື້ອງ ສະເໜີວ່າ: ແນວໂຮມປະເທດຊາດ ຕ້ອງເປັນເຈົ້າການ, ຕັ້ງໜ້າຫຼາຍກ່ວາອີກ ໃນວຽກງານຂົນຂວາຍປະຊາຊົນທຸກຊັ້ນຄົນ ເສີມຂະຫຍາຍນ້ຳໃຈຮັກຊາດ, ສາມັກຄີ, ຮ່ວມແຮງຮ່ວມໃຈປະກອບພູມປັນຍາ ແລະ ຄວາມສາມາດໃຫ້ແກ່ພາລະກິດສ້າງສາ, ປົກປັກຮັກສາ ແລະ ພັດທະນາປະເທດຊາດຫວຽດນາມ ໃຫ້ນັບມື້ນັບຮັ່ງມີເຂັ້ມແຂງ, ວັດທະນາຖາວອນ. ທ່ານສະເໜີຕ້ອງສ້າງກົນໄກເພື່ອໃຫ້ປະຊາຊົນຕິດຕາມດວກາ, ເລືອກຕັ້ງຖືກຄົນ ຕໍ່ໜ້າການເລືອກຕັ້ງສະມາຊິກສະພາແຫ່ງຊາດຊຸດທີ 15 ແລະ ສະພາປະຊາຊົນຂັ້ນຕ່າງໆ. ທ່ານ ເຈິ່ນກວັກເວື້ອງ ກ່າວວ່າ:
ຕ້ອງຮັບປະກັນປະຊາທິປະໄຕ, ສະເໝີພາບ, ຖືກຕ້ອງຕາມກົດໝາຍ, ປອດໄພ, ປະຢັດ ແລະ ເຮັດໃຫ້ວັນເລືອກຕັ້ງກາຍເປັນວັນບຸນຂອງທົ່ວປວງຊົນຢ່າງແທ້ຈິງ. ຕ້ອງປະຕິບັດບົດບາດ ໜ້າທີ່ຂອງແນວໂຮມປະເທດຊາດຫວຽດນາມ ເປັນຢ່າງດີ ໃນການປະຕິບັດການເຈລະຈາ ຄັດເລືອກ, ແນະນຳຜູ້ທີ່ມີມາດຕະຖານຄົບຖ້ວນ ສະໝັກເປັນສະມາຊິກສະພາແຫ່ງຊາດ ແລະ ຜູ້ແທນສະພາປະຊາຊົນຂັ້ນຕ່າງໆ.ທ່ານ ເຈິ່ນກວັກເວື້ອງ ຍັງສະເໜີໃຫ້ແນວໂຮມປະເທດຊາດ ຕ້ອງເດັດດຽວຕໍ່ສູ້ກັບບັນດາທັດສະນະທີ່ຜິດພາດ, ປະຕິການ, ແບ່ງແຍກກຸ່ມກ້ອນມະຫາສາມັກຄີທົ່ວປວງຊົນທັງຊາດ.
(ແຫຼ່ງຄັດຈາກ VOV)
