ກ່ອນ, ໃນ ແລະ ພາຍຫຼັງປີໃໝ່ ແມ່ນຈຸດເວລາຕ້ອງການຊື້ເຄື່ອງຂອງເພີ່ມຂຶ້ນສູງ, ສິນຄ້າສົ່ງອອກ-ນຳເຂົ້າຜ່ານແດນກໍ່ຈະເພີ່ມຂຶ້ນ. ດ້ວຍຈິດໃຈໜູນຊ່ວຍການເຄື່ອນໄຫວສົ່ງອອກ-ນຳເຂົ້າຂອງວິສາຫະກິດຢ່າງສຸດຂີດນັ້ນ, ຂະແໜງພາສີຈາກກົມໃຫຍ່ຕະຫຼອດຮອດຫົວໜ່ວຍພາສີດ່ານຊາຍແດນທາງບົກ, ທາງທະເລ, ທາງການບິນ ໄດ້ປະຈຳການຕະຫຼອດ 24 ຊົ່ວໂມງ ແລະ ມີບັນດາການຊີ້ນຳ, ມາດຕະການຢ່າງລະອຽດ ເພື່ອໃຫ້ສິນຄ້າຜ່ານແດນ ແຕ່ກໍ່ຮັບປະກັນວຽກງານຄຸ້ມຄອງສິນຄ້າສົ່ງອອກ-ນຳເຂົ້າ.
ທ່ານ ເອົາແອັງຕວນ, ຫົວໜ້າກົມຕິດຕາມກວດກາ, ຄຸ້ມຄອງກ່ຽວກັບພາສີ, ກົມໃຫຍ່ພາສີໃຫ້ຮູ້ວ່າ:“ຢູ່ດ່ານຊາຍແດນທາງທະເລນັ້ນ, ກະຊວງການເງິນກໍ່ໄດ້ປະກາດໃຊ້ເອກະສານແກ້ໄຂສິນຄ້າອຸດຕັນຢູ່ເຂດຊາຍແດນທາງທະເລ. ພ້ອມທັງປະກາດໃຊ້ແຈ້ງການ ໂດຍອະນຸຍາດໃຫ້ວິສາຫະກິດມອບໃບບິນເອເລັກໂຕນິກ ແທນໃຫ້ໃບບິນທີ່ເປັນປະເພນີ, ເພື່ອປະຕິບັດການຜ່ານແດນໂດຍໄວ. ໄປຄຽງຄູ່ກັນນັ້ນ, ຕ້ອງຮັບປະກັນວຽກງານປ້ອງກັນ, ຕ້ານການຄ້າເຖື່ອນ, ສໍ້ໂກງການຄ້າ ເນື່ອງໃນໂອກາດປີໃໝ່. ຍາມໃດກົມພາສີກໍ່ຕິດຕາມສະພາບການຢູ່ດ່ານຊາຍແດນຢ່າງໃກ້ຊິດ ເພື່ອຈະມີນະໂຍບາຍຢ່າງທັນການໃນການເລັ່ງໃຫ້ສິນຄ້າໄດ້ຜ່ານແດນໂດຍໄວ ແລະ ອີກດ້ານໜຶ່ງແມ່ນແກ້ໄຂສິນຄ້າອຸດຕັນ…”
(ແຫຼ່ງຄັດຈາກ VOV)
