ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຕ້ອນຮັບຮອງລັດຖະມົນຕີກະຊວງການຕ່າງປະເທດ ສ.ເກົາຫຼີ (ພາບ: TTXVN)

ວັນທີ 4 ທັນວາ, ທີ່ການຕ້ອນຮັບທ່ານ Lee Tea ho ຮອງລັດຖະມົນຕີກະຊວງການຕ່າງປະເທດ ສ.ເກົາຫຼີ ເນື່ອງໃນໂອກາດມາເຂົ້າຮ່ວມເວທີປາໄສວິສາຫະກິດ ແມ່ຂອງ - ສ.ເກົາຫຼີ ຄັ້ງທີ 8 ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມຢັ້ງຢືນວ່າ ຫວຽດນາມຖືເປັນສຳຄັນ ແລະ ຢາກພັດທະນາການພົວພັນຮ່ວມມືກັບ ສ.ເກົາຫຼີໃນທຸກຂົງເຂດ. ທ່ານຟ້າມດບິ່ງມິງສະເໜີໃຫ້ກະຊວງການຕ່າງປະເທດ ຂອງສອງປະເທດຄວນເສີມຂະຫຍາຍບົດບາດເປັນສູນກາງຊຸກຍູ້ການຮ່ວມມືລະຫວ່າງ ສອງປະເທດ, ມຸ່ງໄປເຖິງເຫດການສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດໃນປີ 2022.

ສ່ວນທ່ານ Lee Tea ho ຢັ້ງຢືນວ່າ ຫວຽດນາມ ແມ່ນຄູ່ຮ່ວມມືຈຸດສຸມຂອງ ສ.ເກົາຫຼີ, ຍາມໃດລັດຖະບານ ສ.ເກົາຫຼີ ກໍ່ປາດຖະໜາຢາກເຮັດໃຫ້ການພົວພັນ ແລະ ການຮ່ວມມືລະຫວ່າງສອງປະເທດ ເລິກເຊິ່ງກ່ວາອີກ, ກຽມພ້ອມກັບ ຫວຽດນາມປະຕິບັດເປົ້າໝາຍທາງປ້ອງກັນ, ສະກັດກັ້ນໂລກລະບາດໂຄວິດ - 19 ທັງພັດທະນາເສດຖະກິດ - ສັງຄົມ.

(ແຫຼ່ງຄັດຈາກ VOV)