ພາບປະກອບ
ຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ ອາຍຸການ 2017-2020 ກ່ອນທີ່ເດີນທາງໄປເຮັດໜ້າທີ່ການທູດຢູ່ຕ່າງປະເທດ. ທ່ານເລຂາທິການໃຫຍ່ຖືວ່າ, ໃນສະພາບການສາກົນ ແລະ ພາກພື້ນພວມມີການຜັນແປສັບສົນຫຼາຍຢ່າງ, ບັນດາຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ ຍາມໃດກໍ່ຕ້ອງເຂົ້າໃຈ ແລະ ເຮັດວຽກຢ່າງຖືກຕ້ອງຕາມບົດບາດໜ້າທີ່ຂອງຕົນ; ກຳແໜ້ນແຜນນະໂຍບາຍ, ແນວທາງຂອງພັກ, ຂອງລັດ, ປະເທດທີ່ຕົນປະຕິບັດງານ. ຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ ແມ່ນບັນດາຜູ້ທີ່ມີເງື່ອນໄຂສຳຜັດກັບຫຼາຍບັນດາຂໍ້ມູນຂ່າວການເມືອງ, ເສດຖະກິດ, ວິທະຍາສາດເຕັກໂນໂລຢີ, ຕະຫຼາດໂລກຢ່າງໄວ, ດັ່ງນັ້ນຄວນເພີ່ມທະວີວຽກງານຄົ້ນຄ້ວາ, ຄາດຄະເນ, ເປັນເສນາທິການໃຫ້ການນຳມີບັນດາລັດຖະນະໂຍບາຍຢ່າງຖືກຕ້ອງ. ທ່ານເລຂາທິການໃຫຍ່ ຫງວຽນຟູ໋ຈ້ອງ ກໍ່ເນັ້ນໜັກວ່າ, ບັນດາ ຫົວໜ້າອົງການຕາງໜ້າ ຫວຽດນາມ ປະຈຳຕ່າງປະເທດ ຄວນເຮັດວຽກງານປົກປ້ອງປະຊາຊົນ, ເປັນຂົວຕໍ່ລະຫວ່າງຊາວຫວຽດນາມ ອາໄສຢູ່ຕ່າງປະເທດ ກັບບ້ານເກີດເມືອງນອນ; ເພີ່ມທະວີການໂຄສະນາພາບພົດ ຫວຽດນາມ ເຖິງເພື່ອນມິດສາກົນ.
(ແຫຼ່ງຄັດຈາກ VOV)
