ໃນຂອບເຂດການຢ້ຽມຢາມ ຍີ່ປຸ່ນ ຢ່າງເປັນທາງການ, ຕອນບ່າຍວັນທີ 08 ພະຈິກ, (ຕາມເວລາທ້ອງຖິ່ນ) ຢູ່ ໂຕກຽວ, ທ່ານ ໂຕເລີມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໄດ້ພົບປະກັບຜູ້ຕາງໜ້ານັກຊ່ຽວຊານ, ນັກປັນຍາຊົນ ຫວຽດນາມ ຢູ່ປະເທດ ຍີ່ປຸ່ນ ໃນບັນດາຂົງເຂດຍຸດທະສາດ.
ກ່າວຄຳເຫັນທີ່ການພົບປະ, ທ່ານເລຂາທິການໃຫຍ່, ປະທານປະເທດ ໂຕເລີມ ສະເໜີໃຫ້ບັນດາຜູ້ແທນສຸມໃສ່ປະກອບສ່ວນ, ສະເໜີແນະນະໂຍບາຍກ່ຽວກັບການເພີ່ມທະວີການເຊື່ອມຕໍ່ລະຫວ່າງ ລັດ - ວິສາຫະກິດ - ໂຮງຮຽນ ເພື່ອດຶງດູດຫຼາຍໂຄງການທີ່ມີປະລິມານເຕັກໂນໂລຊີ ແລະ ມູນຄ່າເພີ່ມສູງຈາກວິສາຫະກິດ ຍີ່ປຸ່ນ; ເພີ່ມທະວີການເຊື່ອມຕໍ່ລະຫວ່າງວິສາຫະກິດສອງປະເທດ...
ບັນດາຄຳເຫັນກໍ່ຄວນສະເໜີມາດຕະການຊຸກຍູ້ເປີດກວ້າງເຄືອຂ່າຍເຊື່ອມຕໍ່ບັນດານັກຊ່ຽວຊານ ຫວຽດນາມ ແລະ ຍີ່ປຸ່ນ, ໃຫ້ກາຍເປັນຂົວເຊື່ອມຕໍ່ການຮ່ວມມືລະຫວ່າງສອງປະເທດໃນຂົງເຂດທີ່ ຍີ່ປຸ່ນ ມີທ່າແຮງ ແລະ ຫວຽດນາມ ມີຄວາມຕ້ອງການ. ທ່ານເລຂາທິການໃຫຍ່, ປະທານປະເທດ ຢືນຢັນຄວາມປາດຖະໜາຢາກສືບຕໍ່ມີຫຼາຍໂອກາດເພື່ອຮັບຟັງການແບ່ງປັນ ແລະ ບັນດາບົດຮຽນການຄົ້ນຄວ້າ, ນຳໃຊ້ວິທະຍາສາດຂອງບັນດານັກວິທະຍາສາດ; ທ່ານສະເໜີໃຫ້ບັນດານັກຊ່ຽວຊານ, ນັກວິທະຍາສາດສືບຕໍ່ຄົ້ນຄວ້າ, ປະກອບສ່ວນຢ່າງແທດຈິງໃຫ້ແກ່ການພັດທະນາຂອງປະເທດ, ກໍ່ຄືບັນດາການປະກອບສ່ວນຢ່າງຕັ້ງໜ້າໃຫ້ແກ່ການພົວພັນມິດຕະພາບອັນດີງາມລະຫວ່າງ ຫວຽດນາມ ແລະ ຍີ່ປຸ່ນ.
